Намалувањето на калориите за 25 проценти може да ја забави стапката на стареење кај луѓето и да доведе до значително намалување на ризикот од смртност, покажуваат резултатите од новата студија на универзитетот „Колумбија“.
Во рандомизирано испитување една група била хранета со ограничен број калории две години, додека другите ја следеле својата редовна диета. Истражувачите ги испитувале нивоата на биомаркер во ДНК на волонтерите, измерени пред и по студијата, за кои се знае дека се менуваат со возраста.
Резултатите покажаа дека оние што јаделе храна со ограничени калории покажале забавување на стареењето од два до три отсто, што, според претходните студии, е еднакво на 10-15 проценти намалување на ризикот од смртност, слично на она што го доживува пушач што ќе се откаже од таа навика.
Кејлен Рајан, научник за стареење во „Колумбија“ и главен автор на студијата, призна дека долгорочното ограничување на калориите не е практично за голем дел од популацијата.
„Нашите наоди се важни затоа што обезбедуваат докази од рандомизирано испитување дека забавувањето на човечкото стареење е можно. Тие исто така ни даваат насоки за видовите ефекти што би можеле да ги бараме преку, на пример, повремени активности или временски ограниченото јадење“.
Тимот сега ги следи учесниците во испитувањето за да види дали забавувањето на темпото на стареење на краток рок може да има подолгорочни ефекти врз здравото стареење.
.webp){kind=icon}