.webp){kind=icon}
Обожавателите на кулинарските емисии на „Нетфликс“ (Netflix Inc.) наскоро ќе можат да вкусат некои од нивните омилени јадења од екраните кога стриминг сервисот ќе го отвори својот прв поп-ап ресторан во Лос Анџелес во текот на месецов.
Посетителите ќе можат да го посетат концептот наречен „Нетфликс бајтс“ (Netflix Bites) за „возвишено гурманско искуство“ во кое се појавуваат некои од најпознатите шоу готвачи, вклучувајќи ги Кртис Стоун од „Ајрон шеф“ (Iron Chef: Quest for an Iron Legend) и Ен Ким од „Шефс тејбл“ (Chef's Table: Pizza), за ограничено време почнувајќи од 30 јуни.
Ресторанот е дел од најновиот потег на „Нетфликс“ за искуства во живо, кои вклучуваа и „Бал на кралицата“ (Queen’s Ball) инспириран од „Бриџертон“ (Bridgerton) и поп-ап продавница за сувенири во трговскиот центар „Гроув“ (The Grove) во Лос Анџелес.
Готвачите кои ќе учествуваат ќе подготват посебно мени за дегустација, додека протогонистите од шоуто „Дринк мастерс“ (Drink Masters) ќе мешаат коктели по желба. Поп-апот ќе се наоѓа во хотелот „Шорт сторис“ (Short Stories Hotel) во Лос Анџелес и ќе ги пречекува гостите од 17-22 часот, седум дена во неделата.
