Филмот „Проектот Очајнички обид“ (Project Hail Mary) на студиото „Метро Голдвин Мајер“ (Metro-Goldwyn-Mayer / MGM), кое го презеде „Амазон“ (Amazon), на крајот од минатата недела го зазеде првото место на благајните во САД и Канада, со приходи од продажба на билети од 80,5 милиони долари, што претставува најуспешна филмска премиера годинава.
Успехот на филмот го надмина „Крид 3“ (Creed III) и постави нов рекорд меѓу насловите на „Амазон“, откако компанијата во 2022 година за 8,5 милијарди долари го презеде студиото МГМ. Аналитичарите очекуваа најмалку 70 милиони долари приходи, а повеќе од петтина од приходите се остварени преку прикажување во IMAX.
По преземањето на МГМ, кое на „Амазон“ му донесе контрола над франшизи како „Џејмс Бонд“ и „Пинк Пантер“, компанијата најави дека секоја година во кино ќе прикажува повеќе од дванаесет нови филмови пред да ги понуди на платформата Прајм видео (Prime Video).
Прочитај повеќе
„Нетфликс“ ја купи фирмата за вештачка интелигенција на Бен Афлек за 600 милиони долари
Во 2022 година, без никаква публицитет, Афлек ја основа „Интерпозитив“ (InterPositive), компанија со само 16 вработени, со поддршка на инвестицискиот фонд „Ред Бирд Капитал“ (RedBird Capital Partners).
17.03.2026
Холивуд во војна со вештачката интелигенција
„Дизни“, „Јуниверзал“ и „Ворнер Брос“ тврдат дека ВИ-модели користат милиони заштитени дела без дозвола, додека технолошките компании одговараат дека таквото тренирање е законско како форма на слободно користење.
18.03.2026
„Нетфликс“ ја напушти трката за „Ворнер Брос“, „Парамаунт“ го купува студиото за 111 милијарди долари
По повеќемесечна жестока битка во Холивуд, „Нетфликс“ се откажа од наддавањето. „Парамаунт“ е победникот во трката за „Ворнер Брос“, го купува за 111 милијарди долари.
27.02.2026
Филмот „Проектот Очајнички обид“, во режија на Фил Лорд и Кристофер Милер, се базира на истоимената книга на авторот Енди Вир. Приказната го следи Риланд Грејс, биолог кој станува наставник и астронаут; улогата ја толкува Рајан Гослинг, кој се буди на вселенски брод без сеќавања.
Добра сезона за Рајан Гослинг
Depositphotos
Филмот доби пофалби од критиката, а неговиот успех на благајните го прекина периодот на помали приходи на „Амазон“ годинава, со наслови како „Mercy“ и „Crime 101“.
„Амазон“, кој управувањето со филмското студио и маркетинг стратегијата го довери на поранешни високи раководители на „Ворнер Брос“ (Warner Bros), Кортни Веленти и Сју Крол, не е толку зависен од резултатите на благајните како холивудските продукции.
Кино дистрибуциите ги користи пред сè за да врати дел од трошоците за продукција и маркетинг, пред да ги понуди филмовите на својата база на претплатници на Прајм, која главно се состои од онлајн купувачи.
Поддршката на „Амазон“ за кината им помага и на синџирите како АМЦ (AMC Entertainment) и „Регал синеворлд“ (Regal Cineworld), кои се обидуваат да обезбедат повеќе холивудски наслови. Лани компанијата најави соработка со Дени Вилнев, режисерот на трилогијата „Дина“ (Dune), и нов филм од франшизата „Џејмс Бонд“.
Американските благајни годинава се „посилни“ за 15,2 проценти во споредба со истиот период во 2025 година, благодарение и на резултатите на филмовите како Hoppers од „Пиксар“ (Pixar) и „Вресок 7“ (Scream 7) на студиото „Парамаунт“ (Paramount/Skydance).
Пред „Проектот Очајнички обид“, најуспешno филмскo деби за 2026 година беше „Вресок 7“, кој од премиерата во февруари заработи 193,8 милиони долари и стана најуспешна хорор франшиза во историјата на серијалот.
„Hoppers“, кој имаше премиера на почетокот на март, исто така оствари најдобар резултат за оригинален филм од „Пиксар“ во последните десет години.
Следното поголемо филмско издание на „Амазон“ во кината годинава ќе биде „Господари на универзумот“ (Masters of the Universe) во јуни, базирано на франшизата на компанијата „Мател“ (Mattel).
.webp){kind=icon}
