Пред само неколку години, кога Beyond Meat Inc. го објави своето излегување на берзата, а Burger King воведе вегетаријанска плескавица наречена Impossible Whopper, побарувачката за вегетаријанско месо беше во пораст.
Сега, откако забележа двоцифрен раст, продажбата не само што стагнира, туку и опаѓа, поради можна презаситеност на американскиот пазар, покажуваат податоците на консултантската компанија Deloitte Consulting LLP.
Продажбата на мало на замрзнати алтернативи на месо паднала за 10,5 отсто во период од 52-недели кој заврши на 4 септември 2022 година, според податоците на Information Resources Inc (IRI). Иако високите цени се главната причина за падот, тие не се единствената причина, вели Јона Паркер, специјалист за свежа храна во споменатата компанија.
„Изворите на протеини со помала цена по килограм поминаа подобро“, рече Паркер, посочувајќи дека клиентите полувегетаријанци, кои претходно избираа алтернативи за месо, сега ќе купуваат поевтино вистинско месо. Поради инфлацијата, потрошувачите имаат мала желба да платат премија за лажно месо. Вкусот, како и грижата за здравјето, исто така играат улога, посочува таа.
Од компанијата Deloitte веруваат дека индустријата страда од проблеми поврзани со перцепцијата на јавноста. Во јули, компанијата спроведе истражување на 2.000 потрошувачи и откри дека тие повеќе не веруваат дека месото од растително потекло е поздраво и еколошки поодржливо од животинското месо. (Додека аргументот дека алтернативните производи се подобри за животната средина во споредба со вистинското месо е утврден, истото не може да се каже и зе неговото влијание врз здравјето).
Deloitte, исто така, верува дека целниот пазар може да биде поограничен отколку што се мислеше, поради растечкиот културен отпор кон неговиот статус „буден“ (woke), присутен дури и кај оние кои сакаат да го намалат црвеното месо во својата исхрана. На пример, кога американскиот синџир за брза храна Cracker Barrel ги објави плановите во менито да додаде колбас од Impossible Foods во текот на летото, се соочи со напад на критики на социјалните мрежи.
.webp){kind=icon}
