Цената на акциите на фудбалскиот клуб Јувентус падна откако Италијанската фудбалска федерација (ФИГЦ) го казни тимот на милијардерот Андреа Ањели со одземање на бодовите заработени во првенството. Казната е резултат на истрагата за трансфери на играчи и сметководствената евиденција на клубот.
Акциите паднаа за 13 отсто, што е најголем еднодневен пад од април 2021 година. По отворањето на европските пазари, акциите донекаде го ублажија падот, но тој сепак остана двоцифрен.
Федералниот апелационен суд ја потврди одлуката за казнување на италијанскиот прволигаш со одземени 15 лигашки бодови, се вели во соопштението објавено доцна во петокот.
Ова ќе му отежне на клубот од Торино да се квалификува за едно од европските натпреварувања како што е Лигата на шампионите. Според новото рангирање, клубот е на деветтото место во популарната Серија А.
Како што се наведува во соопштението на клубот, тие ќе ја обжалат одлуката, а од почетокот на процесот наведуваат дека се невистинити обвинувањата за финансиска измама при трансфер на играчи.
Казната вклучува и една година забрана за работа на Ањели и 10 други менаџери на компанијата. Милијардерот и неговите соработници се повлекоа во ноември. Тој минатата недела рече дека ќе се повлече и од своите позиции во „Ексор“ (Exor NV) и „Стелантис“ (Stellantis NV).
Прелиминарните сослушувања се закажани за 27 март, како што претходно во јануари напиша агенцијата Анса.
.webp){kind=icon}
Во моментов нема коментари за веста. Биди прв да коментира...