Пред 30 години, Нил Стивенсон го објави својот значаен роман „Сноу Креш“ (Snow Crash). Многу истакнати личности од Силиконската долина се восхитуваат на тоа колку точно овој автор го предвидува идниот облик на технологијата.
● Метаверзум (The Metaverse)
Децении пред Марк Цукерберг да започне да го конструира својот метаверзум, Стивенсон замислил 3Д виртуелен свет со истото име, каде што луѓето се во интеракција како аватари, па дури и извршуваат убиства. Години по објавувањето на романот, Стивенсон работеше како главен соработник во компанијата за oчила за мешана реалност „Меџик лип“ (Magic Leap).
● Постојани живеалишта на море (Seasteading)
Бегалци ги прикачуваат своите чамци на јахтата на ултра богат телекомуникациски магнат во скудна флотила позната како „сплавот“. Тоа е многу далеку од утописката визија за поморски квази-држави што некои техничари некогаш копнееле да ги изградат во реалниот свет.
● Очила за виртуелна реалност (VR Headsets)
За пристап во метаверзумот главниот лик во Snow Crash, хакер по име Хиро Протагонист, носи светкави очила кои се обвиткуваат до половина околу неговата глава за да доживее „компјутерски прикажан поглед на имагинарно место“.
● Виртуелни асистенти (Virtual Assistants)
Верзијата на „Алекса“ за која Стивенсон пишува во својот роман е наречена Librarian (библиотекар), аватар со човечки изглед кој има пристап до огромна база на информации и дејствува „со агилност на пајак кој танцува низ огромна мрежа на вкрстени референци“.
● Крипто
Snow Crash се случува откако хиперинфлација го направила доларот безвреден. Потрошувачите прибегнуваат кон алтернативни валути, како што се конгбакс.
● Сервис за достава на храна од типот на Uber eats
Во иднината на Стивенсон, има само четири работи што Американците сè уште ги прават подобро од сите други: музика, филмови, софтвер и брза испорака на пица.
.webp){kind=icon}
