Кој вели дека не можете да дојдете до Месечината? Градежен проект во вредност од 5 милијарди долари има цел да го издигне Дубаи, веќе преполн со облакодери, до нови височини - со спуштање на небесниот објект на Земјата.
Канадскиот претприемач Мајкл Хендерсон замислува изградба на реплика на Месечината од 274 метри (900 стапки) врз зграда од 30 метри (100 стапки) во Дубаи, кој веќе е дом на највисокиот облакодер во светот и други архитектонски чуда.
Проектот на Хендерсон, наречен MOON, можеби звучи надвор од овој свет, но лесно може да се вклопи во градот-држава со футуристички зданија. Дубаи веќе има вжештен пазар на недвижности, поттикнат од богатите што бегаа од ограничувањата наметнати во нивните матични земји за време на пандемијата и Русите што бараат засолниште во екот на војната на Москва со Украина.
Прочитај повеќе
Нема крај на треската за брендирани станови во Дубаи
Пазарот на луксузни недвижности во Дубаи е сè почест избор за инвестирање за светските богаташи.
07.04.2023
Русите водат во купувањето недвижности во Дубаи
Дубаи стана безбедно засолниште за Русите во услови на геополитичка и економска несигурност.
17.01.2023
За колку ќе се продаде луксузен комплекс на островот Палма во Дубаи?
Сопствениците на луксузното одморалиште „Анантара палм Дубаи“ се во преговори за евентуална продажба.
19.05.2023
И покрај тоа што во претходниот циклус на бум и пад имаше колапс на многу грандиозни проекти, Хендерсон и другите сугерираат дека неговата визија, финансирана од „Мун ворлд рисортс“ (Moon World Resorts Inc.), каде што тој е коосновач, можеби не е толку неостварлива.
„Го имаме најголемиот 'бренд' во светот“, изјави Хендерсон за „Асошиејтед прес“ (АП), алудирајќи дека самата Месечина - небесното тело - е негов бренд. „Осум милијарди луѓе го знаат нашиот бренд, а ние уште не сме ни започнале со проектот“.
Замислата на Хендерсон вклучува одморалиште во сферичната структура, со хотел од 4.000 соби, арена со капацитет од 10.000 места и „месечева колонија“, која на гостите ќе им овозможи чувство како навистина да чекорат по Месечината.
Структурата би била поставена на врвот од кружна зграда, слична на пиедестал, и би светела навечер. Хендерсон, во текот на мај, за проектот зборуваше на „Арабијан травел маркет“ (Arabian Travel Market) во Дубаи.
Изнајмувањата низ Дубаи во просек се зголемени за 26,9 отсто на годишно ниво, дури и со заштитата против зголемувањето на цените. Дубаи забележа 86.849 продажби на станбени објекти минатата година, надминувајќи го претходниот рекорд од 80.831 во 2009-та.
„Дубаи е во сосема поинаков свет во споредба со 2009 година“, вели Луис Алсоп, извршен директор на истакната агенција за недвижности во Дубаи. Изградените објекти „се продаваат на самото место“, посочува тој.
.webp){kind=icon}
Во моментов нема коментари за веста. Биди прв да коментира...