.webp){kind=icon}
Портрет на Густав Климт беше продаден за 85,3 милиони фунти (108,4 милиони долари) на аукција во лондонската галерија Сотби во вторникот, со што стана највредното уметничко дело продадено на аукција во Европа. Претходниот рекорд беше поставен во 2010 година, кога „Човекот што оди“ („L'homme qui marche“) на Џакомети беше продадена за 65 милиони фунти во Лондон.
Со првична неофицијална проценка од околу 65 милиони фунти, „Дама со лепеза“ на Климт е создадена помеѓу 1917 и 1918 година и имала неповратна понуда, што значи дека трето лице гарантирало купување на делото однапред на одредена цена. Затоа, веќе беше однапред се знаеше дека ова дело ќе постави рекорд на продажба.
Сепак, десет минутното сериозно наддавање ја помести цената на сликата далеку над проценетата. Со постигнување на оваа конечна сума, беше поставен и рекорд за вредноста на дело на Климт постигнато на аукциска продажба. Претходниот глобален јавен рекорд за овој уметник беше поставен во ноември минатата година кога Пол Ален ја продаде „Шума со брези “ на Климт за 104,6 милиони долари.
Сликата на Климт „Дамата со лепеза“ последен пат се појави на аукција во 1994 година, кога беше купена за 11,6 милиони долари во галеријата Сотби во Њујорк, што значи дека нејзината вредност од тогаш се зголемила за приближно 834 отсто.
