.webp){kind=icon}
Луксузнта британска златарница Graff Diamonds Corp. платила откуп од 7,5 милиони долари во биткоини на руска хакерска банда, откако таа објавила податоци за клиенти од висок профил на златарницата, се наведува во тужбата во Лондон.
Graff, која во својата база на клиенти има и великодостојници од Блискиот Исток, го тужи својот осигурител за загуби поради изнуда, велејќи дека исплатата треба да биде покриена со осигурителната полиса. Компанијата Travelers Companies Inc. одбива да ја плати загубата на златарницата предизвикана од откупот во биткоини, тврди Graff.
Групата Conti ја нападнала луксузната златарница во септември 2021 година, објавувајќи податоци за кралските семејства на Саудиска Арабија, ОАЕ и Катар. Conti им се извини на семејствата во потег што се смета за необичен за една хакерска група, но се закани дека ќе објави повеќе податоци на Graff.
Bloomberg
„Нашата цел е да објавиме што е можно поголем дел од информациите на Graff во врска со финансиски декларации направени од неолибералната плутократија во САД, Велика Британија и ЕУ, која се занимава со непријатно скапи купувања кога нивните нации се распаѓаат под економски притисок“, порачала групата во нејзините извештаи.
Conti ја прифати понудата на Graff за половина од нивното првично барање од 15 милиони долари во паричник за биткоини на 3 ноември 2021 година. Оттогаш, цената на крипто валутите драстично падна, што значи дека Graff го плати откупот по една од највисоките цени на биткоинот досега.
Не е јасно дали од Conti веднаш го претвориле откупот во готовина. Плаќањето на Graff вредело 118 биткоини на 4 ноември, но во Лондон во вторникот, 118 биткоини вределе многу помалку, околу 2,3 милиони долари.
„Криминалците се заканија со насочено објавување на приватни набавки на наши клиенти“, рече портпаролот на Graff. „Бевме решени да ги преземеме сите можни чекори за да ги заштитиме нивните интереси и така преговаравме за плаќање што успешно ја неутрализира таа закана“.
„Ние сме крајно фрустрирани и разочарани од обидот на осигурителот да избегне решавање на овој осигурен ризик. Тие не ни оставија друга опција освен да ги поднесеме овие постапки за наплата пред Високиот суд“, порачаа од компанијата.
