Ракописот на хит-песната „Bohemian Rhapsody“ на британскиот бренд „Квин“, напишан од Фреди Меркјури, во средата е продаден на аукција во Лондон за неверојатни 1,6 милион евра.
Ракописот, составен на 15 хартиени страници, означени со логото на тогашниот британски „Мидленд ервејс“, го открива процесот на Фреди за создавање на легендарната песна, пишува АФП. Многумина беа изненадени од податокот од ракописот дека песната може да се вика и „Magnolian Rhapsody“.
Пред самата аукција, аукциската куќа „Сотби“ ја процени вредноста на ракописот помеѓу 930 илјади и 1,4 милион евра, но конечната сума ги надмина сите очекувања.
На истата аукција, клавирот на кој Фреди Меркјури ја компонираше„Bohemian Rhapsody“ беше продаден дури за два милиони евра. Меркјури го купил клавирот „јамаха“ во 1975 година за илјада фунти.
Потсетуваме дека „Bohemian Rhapsody“, шестиот сингл на групата „Квин“, првпат беше објавен во октомври 1975 година, како вовед во албумот „A Night at The Opera“. Десет години подоцна, на 13 јули 1985 година, песната доживеа една од најлегендарните изведби на концертот „Лајв ед“ (Live Aid).
Depositphotos
Некои критичари сметаат дека токму преку споменатата песна Меркјури отворено ја изразил својата сексуална ориентација и расчистил со претходниот живот, на што му претходела конечна разделба со Мери Остин.
Членовите на бендот не сакаа да го објаснат значењето на песната. „Тоа е многу разбирливо“, коментираше Роџер Тејлор за делото „Opera“ во документарецот на Би-би-си. „Има малку глупости во средината. Фреди ја нарече песната ’пародична опера’“.
Песната беше примена во Куќата на славните награди „греми“, ги освои првите места во голем број анкети на критичарите и обожавателите, а вокалната изведба на Фреди Меркјури беше прогласена за најдобра во историјата на рок-музиката од читателите на списанието „Ролинг стоун“ и инспирираше некои од најнезаборавните моменти во поп-културата во изминатите децении.
.webp){kind=icon}
