.webp){kind=icon}
Во светот на голфот, да се биде дел од Здружението на професионални голфери (PGA) е сон на многумина. Основана во далечната 1901 година, оваа престижна организација игра значајна улога во промоцијата на голфот низ светот и секоја година организира импресивен број турнири за своите членови, како што е купот Рајдер.
Да се биде дел од „ПГА нешнлс“ (PGA Nationals) е знак на извонредност, бидејќи носењето на брендот значи стремеж кон највисоките стандарди во голфот. Со ограничување од само еден национален кандидат по земја, ПГА обезбедува ексклузивност и овозможува организација на турнири на меѓународно ниво.
Неодамна, Голф Адријатик, лоциран во луксузното одморалиште „Кемпински Адријатик“, се приклучи на таа ексклузивна листа како „ПГА нешнл Хрватска“ (PGA National Croatia). „Оваа чест овозможува организација на меѓународни турнири и носи признание за одморалиштето на глобално ниво меѓу членовите на ПГА, како и голферите низ Велика Британија, Европа и светот, се наведува во соопштението по повод ова признание.
Ричард Баркер, извршен директор за развој на бизнисот на Здружението на професионални голфери, го изрази своето задоволство од додавањето на „ПГА нешнл Хрватска“ во нивната ексклузивна колекција на премиум ПГА брендирани објекти и рече: „Исклучително сме задоволни што ја додаваме и Хрватска на нашата ексклузивна група на светски познати објекти со оваа ознака. Голф Адријатик цврсто се етаблира како центар на целото одморалиште и со нетрпение очекуваме да ја промовираме оваа локација меѓу членовите на ПГА низ светот.
PGA National Golf Adriatic/Bloomberg
Со патека од 6.360 метри и површина од 80 хектари, Голф Адријатик се карактеризира со предизвикувачки распоред на 18 терени, PAR 72, а околината од исклучителна природа придонесува за уникатно и незаборавно голф-искуство. Овој професионален терен за голф го дизајнираа Дитард Фаренлајтнер и Барбара Ајсерер, добитници на престижната награда Австриски голф-уметнички пејзаж (Austrian Golf Art Landscape). Луксузното одморалиште лоцирано во северозападна Истра, во близината на Савудрија и Умаг, ги вклучува Голф Адријатик, луксузниот хотел „Кемпински Адријатик“ со пет ѕвезди и приватна плажа, која на голферите им нуди уникатно бегство од секојдневниот живот и, секако, автентично искуство.
PGA National Golf Adriatic/Bloomberg
Голф Адријатик се приклучи на престижното друштво на „ПГА нешнл“, во кое се и локациите што беа домаќини на купот Рајдер, како што се Белфри (The Belfry - PGA National England) и Глениглс (Gleneagles - PGA National Scotland). Другите центри за голф се наоѓаат на Кипар, во Афродита Хилс, каде што се одржуваат настаните на ДП ворлд тур (DP World Tour), и во Грција, каде што е Килада кантри клуб (Kilada Country Club), а Голф и резиденс (Golf & Residences) беше последната локација што му се придружи на овој светски познат клуб во 2021 година пред да биде додадена хрватската дестинација.
