Смртта на кралицата Елизабета Втора предизвика тага низ целиот свет и го сопре животот во делови на Велика Британија во пресрет на нејзниот погреб в понеделник. Помалку видливо е дека исто така, почна опсежното реструктуирање на финансиите на кралското семејтво.
Официјлано основани во далечната 1337 година, главните имоти кои го помагаат финансирањето на британската монархија сега служат на новата генерација на семејството Виндзор. Тоа не е обично пренесување на богатство, има различни наследства кои ја следат патеката утврдена пред векови, но и различни имоти од канцеларии во Лондон, морското дно на Обединетото Кралство и затвори.
Кралот Чарлс Трети, 73, сега како британски суверен има право на дел од приходите на имотот на Круната (Crown Estate) – најголемиот инвестициски субјект поврзан со британската монархија, како и од приватниот имот, Војводството Ланкастер. Во меѓувреме, неговиот постар син, Вилијам (40) го наследи Војводството Корнвел, откако го замени татко му на местото принц од Велс и е следен во редот за престолот.
Bloomberg
Имотот на Круната и кралските војводства се во вкупна вредност од околу 18, 2 милијарди финти, а нивната вредност просечно расте за околу 70 отсто во последната деценија, покажуваат податоците кои ги собра Блумберг. Тоа во голема мерка е одраз на растечките цени на земјиштето и недвижностите.
„Тоа е целосно деловен концепт“, вели за кралскиот имот Дејвид Хеј, главен извршен директор на консултантската компанија Бренд Фајнанс. „Тие го имаат целиот тој имот и оперативните трошоци“.
Bloomberg
Промените ги илустрираат древните финансиски аранжмани на британската монархија кои функционираат комплетно поинаку од поголемиот дел битки за наследство.
Како прво, највредниот имот дури не е ни во соственост на кралското семејство. Британската монархија и нејзниот имот, вклчувајќи ги и кралскиот накит и кралската уметничка збирка, му припаѓаат на суверенот, но тоа не е приватна сопственост и тие не можат да бидат продадени за лична корист. Новиот шеф на Обединетото Кралство не плаќа данок на наследство за нив, ниту пак на останатото наследство кое било личен имот на неговата мајка.
Кралот Чарлс и неговото семејство за службените должности се финансираат од Грантот на Суверенот, годишен паушален износ кој произлегува од договорот од 1760 година склучен меѓу монархот и британската влада. Тоа обично е дури четвртина од добивката на Крунскиот имот во кој влегуваат Регент Стрит, популарната малопродажна дестинација со продавници од високата мода како и продавницата со играчки Хамли.
Bloomberg
Поддршката за една година, до март 2023, изнесува 86,3 милиони фунти, непроменета е во однос на периодот 2022 кога поголем дел од приходите отидоа за одржување на кралските палати и плати за персоналот. Портпаролот на Крунскиот имот ја опишува како „едноставна работа со различно портфолио“, истакнувајќи дека профитот кој е генериран за нацијата изнесува три милијарди фунти во последните 10 години.
Добивката на Војводството Ланкастер, кое се состои од 18.481 хектар земја во Англија и Велс, го обезбедува приходот за суверенот на Обединетото Кралство и помага за финансирање на активностите на другите членови на кралското семејство.
Bloomberg
Меѓу нив е и принцот Ендру, 62, вториот син на кралицата, кој на почетокот на оваа година се спогоди со американскиот суд за износ кој не е објавен по обвинувањето дека е еден од неколкуте мажи на кои Џефри Епстајн „им ја позајмил“ Вирџинија Џуфре за сексуално злоупотребување. Тој цело време ги негираше обвинувањата.
Bloomberg
Војводството од Корнвел – се состои од околу 53.000 хектари земја, главно во југозападна Англија, како и затворот Дартмур, обезбедува слично финансирање за принцот од Велс и неговото семејство. Принцот Чарлс, на пример, претходно го поддржа принцот Хари (38) и Меган Маркл (41) со милиони фунти кога се повлекоа од кралските должности и се преселија во САД.
Иако двете војводства објавуваат годишни извештаи, ни едно не дава целоен преглед за финансирањето на одделни членови на кралското семејство. Според податоците кои ги собра Блумберг, војводствата пријавиле распределен приход во вкупен износ од 430 милиони фунти во изминатата деценија.
„Вистинското прашање е дали постои дополнителна економска корист за Обединетото кралство во однос на трошоците на кралското семејство“, вели Хеј, чија компанија проценува дека британската монархија на земјата и носи повеќе од милијарда фунти годишно. „Изгледа добро ја водат транзицијата од пропагандна гледна точка, создавајќи емпатија кон Чарлс и Камила, како и Вилијам и Кејт“.
Bloomberg
Беспрекорното примопредавање не значи дека нема да има промени. На членовите на персоналот во Клеренс Хаус – претходната резиденција на кралот Чарлс, им е најавено дека некои отпуштања се неизбежни, извести Гардијан.
Кралицата исто така имаше и лично богатство, дел наследено од родителите, вклучувајќи ја и резиденцијата во Балморал, каде што почина. Имаше и богатство во нето вредност од околу 400 милиони долари, кое ја опфаќа и една од најголемите колекции со поштенски марки во светот и многу недвижности, покажува индексот на Блумберг за милијардерите.
Како монарх, кралот Чарлс е ослободен од данок на наследство на имотот кој ќе го добие од тестаментот на мајка му. Тој и кралицата платија данок на доход и капитална добивка на средствата од нивните приватни имоти според договорот кој беше постигнат пред две децении со британската влада додека се зголемуваше притисокот околу тоа кој ќе го плати обновувањето на дворецот Виндзор по пожарот во 1992 година.
Bloomberg
Како и кај останатите членови на кралското семејство, точните детали за судбината на личното богатство на кралицата најверојатно ќе останат тајна. Лондонскиот суд поседува сеф во кој се наоѓаат повеќе од 30 пликоа каде се чуваат тестаментите на починатите членови на британската монархија и кои се стари над еден век. Тестаментот на принцот Филип, починатиот сопруг на кралицата, ќе остане запечатен близу еден век. Тој почина лани на возраст од 99 години.
Даночните власти во Обединетото Кралство „ќе можат да ги видат сите детали“ на финансиските аранжмани во тестаментот на кралицата, вели Ден Нидл, основач на непрофитната советодавна компанија Tax Policy Associates. „Но, британската јавност нема да ги види“.
.webp){kind=icon}
