text size
„Рајанер“ (Ryanair Holdings Plc) воведе програма за лојалност наменета за редовните патници, со што направи пресврт во однос на својот долгогодишен отпор кон концептот на членство што цели кон олеснувања за оние што често летаат. Програмата за членство „Прајм“ (Prime) чини 79 фунти (околу 92 евра) годишно.
Програмата овозможува бесплатен избор на седишта, патничко осигурување и пристап до ексклузивни понуди за членовите, соопшти ирската нискобуџетна авиокомпанија во понеделникот. „Рајанер“ претстави пресметки според кои патниците можат да остварат корист веќе по три патувања годишно.
Главниот извршен директор на „Рајанер“, Мајкл О’Лири, долго време го отфрлаше значењето на програмите за лојалност, фокусирајќи се на пристапни цени и точност на летовите, без дополнителни погодности. „Ако сакате лојалност, купете куче“, изјави тој за британски „Индипендент“ (Independent) во април минатата година.
Прочитај повеќе
„Рајанер“ бара да се ограничи алкохолот на аеродромите
„Рајанер“ побара од европските власти да ја ограничат продажбата на алкохол на аеродромите.
15.01.2025
Сепак, новата програма овозможува авиокомпанијата да истражи начини за задржување на клиентите во време кога инфлацијата влијае на побарувачката. Членовите што ќе искористат максимални 12 попусти годишно би можеле да заштедат до 420 фунти (околу 490 евра), наведуваат од компанијата.
„'Рајанер прајм' цели на честите патници што сакаат редовно да летаат, но не сакаат да трошат премногу“, рече директорот за маркетинг Дара Брејди.
Во согласност со својата стратегија за нискобуџетен превоз, новата програма на „Рајанер“ нуди помалку погодности во споредба со класичните авиокомпании, кои обично вклучуваат дозвола за дополнителен багаж и пристап до лаунџ-клубови. [Членството „Рајанер чојс“ (Ryanair Choice), воведено во 2019 година, чинеше 199 фунти (околу 232 евра) и овозможуваше бесплатен избор на седишта и приоритетно качување.]
Претставниците на „Рајанер“ не одговорија веднаш на прашањата за статусот на програмата „Рајанер чојс“.
Конкурентската нискобуџетна авиокомпанија „Изиџет“ (EasyJet Plc) веќе долго време нуди членство „Плус“ (Plus) по цена од 249 фунти (околу 290 евра), кое вклучува приоритетно качување, посебен шалтер за предавање багаж и можност за внесување поголем рачен багаж, покрај бесплатниот избор на седишта. Британскиот превозник минатиот месец во рамките на промоција им ја понуди таа програма на патниците на „Бритиш ервејс“ (British Airways) за 122 фунти (околу 142 евра), обидувајќи се да привлече клиенти од поголемиот конкурент.
.webp){kind=icon}
