Зимата може да биде уште помагична ако ја доживеете во вистинска идилична атмосфера. Кога снегулки полека се спуштаат на дрвени балкони, кога мириса на ликер од смрека или варено вино и кога денот завршува со поглед кон бели планински врвови.
Словенија, со своите алпски пејзажи, нуди изненадувачки богат избор на бутик-хотели, каде што безвременската природа се среќава со врвниот дизајн, интимниот луксуз и топлината на домашниот амбиент.
Прочитај повеќе
Седум совети што ќе го подобрат вашето патување во 2026 година
Ви нудиме совети за лесно откривање на најдобрите населби, храна и локален живот во дестинации низ целиот свет.
09.01.2026
Патувате во Тајланд? Внимавајте кога пиете алкохол - казните се големи
Од денеска во Тајланд е забрането да се пие алкохол во периодот меѓу 14 и 17 часот. Казните надминуваат 300 долари, а најголем ризик да ги „заработат“ секако, имаат странците.
08.11.2025
Викенд за душата и телото: Ги откриваме термалните бисери на Словенија
Во различни региони, од Обсотеље до Прекомурје, постојат термални бањи, спа центри и здравствени одморалишта чиј шарм лежи во рамнотежата помеѓу природата, релаксацијата и луксузот.
25.10.2025
Пет места во Барселона што никако не смеете да ги заобиколите
Барселона е град што ги спојува уметноста, медитеранскиот дух и урбаната живост – место каде што архитектурата, храната и атмосферата создаваат совршен баланс меѓу традицијата и модерното.
18.10.2025
Индискиот златен триаголник: Од милијардери и гламур до сурова сиромаштија
Индија – земја на милијардери и гламур, но и на сурова сиромаштија, каде што боите, вкусовите и контрастите оставаат еднакво силен впечаток врз секој патник.
05.09.2025
Шале Софија (Chalet Sofija), Гозд Мартуљек
Шале Софија е синоним за современа алпска елеганција, во која луксузот се доживува суптилно и префинето. Бутик-хотелот со пет соби, сместен во прегратките на планините над Крањска Гора, изгледа како интимна алпска резиденција, наменета за гости што бараат мир, дискреција и врвна естетика.
Ентериерот е заснован на природни материјали: масивно дрво, камен и меки текстури, кои создаваат чувство на топлина и безвременост. Панорамските стаклени површини отвораат погледи кон снежните врвови на Јулиските Алпи и ја бришат границата меѓу внатрешниот простор и природата, која дури и во зима станува неразделен дел од престојот.
Посебното признание за Шале Софија го потврдуваат двата клуча на „Мишелин“, со што се вбројува меѓу најистакнатите луксузни сместувања во Словенија. Луксузот на престојот има и своја цена – за ноќевање со појадок и вечера во февруари, за време на работните денови, потребно е да се издвојат нешто повеќе од илјада евра. Сепак, се препорачува резервација однапред, бидејќи сместувањето најчесто е веќе пополнето.
Луксуз и мир во прегратката на планината | Booking.com
Вила Мур (Vila Muhr), Бохињ
Вила Мур е ексклузивен сместувачки бутик-објект покрај Бохињско Езеро, со изразена историска нота, која го спојува аристократското наследство со современиот луксуз и удобност. Првично е изградена како ловечка резиденција, а меѓу двете светски војни била во сопственост на кралското семејство Караѓорѓевиќ, кое често го избирало Бохињ како место за одмор и повлекување. Токму во тој период вилата станала место на значајни посети од европската аристократија.
Со Бохињ е поврзан и историски документиран настан од 1934 година, кога принцот Џорџ, војвода од Кент, вујко на идната британска кралица Елизабета II, се свршил со принцезата Марина од Грција и Данска. Овој настан, според историските извори, се поврзува со престојот во кралските вили покрај Бохињско Езеро, меѓу кои е и Вила Мур, што дополнително го потврдува нејзиното аристократско значење во европскиот контекст на тоа време.
Денес Вила Мур е темелно реновирана и трансформирана во софистицирано хотелско искуство со само четири луксузни апартмани. Ентериерот комбинира класична елеганција, природни материјали и современи дизајнерски детали, додека големиот број соби и тераси нудат директен поглед кон Бохињско Езеро или околните планини, нагласувајќи ја безвременската поврзаност на архитектурата, историјата и алпската природа.
Ноќевање со појадок, според податоците на порталот „Букинг“, во средината на февруари за две лица чини околу 650 евра.
Зимски вечери покрај камин во вила со аристократско минато | Booking
Милка бутик-хотел (Milka Boutique Hotel), Kрањска Гора
Милка бутик-хотел важи за еден од најсофистицираните алпски бутик-хотели во Словенија. Сместен е на идилична локација покрај езерото Јасна, каде што современата елеганција, интимната атмосфера на хотелот и фината гастрономија се спојуваат во луксузно искуство. Со само шест индивидуално дизајнирани соби, хотелот нуди висок степен на приватност, промислен дизајн и непосреден контакт со природата на Јулиските Алпи.
Хотелот е посебен и поради својата гастрономска репутација, бидејќи Милка е меѓународно препознаен како врвна гастрономска дестинација. Престојот овде не е само ноќевање туку и сеопфатно искуство за гости кои ја ценат естетиката, мирот и беспрекорниот квалитет.
Цените се разновидни. За соба со појадок и поглед кон езерото, во средината на февруари за две лица е потребно да се издвојат околу 330 евра по ноќевање, додека апартман со хидромасажна када чини нешто повеќе од 750 евра.
Идилична локација покрај езерото Јасна | Booking
Хотел Плесник (Hotel Plesnik), Логарска Долина
Хотелот Плесник е семеен бутик-хотел сместен во срцето на една од најубавите леднички долини на Камничко-савињските Алпи и нуди алпски луксуз, кој го одликуваат мир, природа и префинета удобност. Современата алпска архитектура и природните материјали создаваат чувство на топлина и безвременост, додека панорамскиот поглед кон Логарската Долина го следи престојот на гостите во секој момент.
Посебен акцент на хотелот Плесник е реновираниот велнес и спа-центар, каде што алпската природа се преплетува со чувството на благосостојба. Просторот е осмислен како место за одмор и релаксација во непосреден контакт со природата, а искуството го надополнуваат ајурведскиот и масажниот центар, кои дополнително ја истакнуваат мирната, речиси медитативна атмосфера на хотелот.
За ноќевање со појадок, во средината на февруари за две лица е потребно да се издвојат околу 330 евра.
Вила Планинка (Vila Planinka), Згорње Језерско
Во срцето на недопрената природа на Камничко-савињските Алпи се крие уште еден словенечки алпски бисер. Вила Планинка е хотел со пет ѕвезди, кој нуди целосно бегство од секојдневниот метеж и е наменет за гости што луксузот го доживуваат преку мир, простор и вистинска поврзаност со природата.
Ентериерот се заснова на природни материјали и смирена естетика, која ги нагласува топлината на просторот и суптилната елеганција. Собите се дизајнирани како интимни оази, многу од нив со отворен поглед кон околните врвови и долината, што дополнително го засилува чувството на изолација и ексклузивност. Во Вила Планинка нема телевизори – вниманието е насочено кон тишината, пејзажот и уживањето во моментот.
Зимно време Језерско и неговата околина нудат прекрасни можности за уживање во природата во бавен, смирен ритам – од прошетки низ снежните долини и околу езерото до лизгање и набљудување на алпската пејзажна убавина покриена со снег. Токму оваа комбинација на тишина, природа и префинет комфор ја прави Вила Планинка идеален избор за зимски одмор.
Цените на ноќевање во февруари, во зависност од терминот и типот на собата, се движат меѓу приближно 300 и 450 евра, што ги одразува високиот степен на услуга и единственото алпско искуство што го нуди оваа оаза со пет ѕвезди во природа.
.webp){kind=icon}
