Истражување: Зошто и како да се вложува во женскиот спорт?

Годинава може да биде пресвртница за женскиот спорт. Олимписките игри во Париз, кои се одржаа минатото лето, испишаа историја како први со родова еднаквост меѓу спортистите. Од ова лето повеќе гледачи се вклучија во Женската национална кошаркарска асоцијација - ВНБА (WNBA) од кога било досега, а според „Дилојт“ (Deloitte) проекциите за приходите во женскиот спорт на глобално ниво надминаа една милијарда долари.

Иако сè уште има простор за поголемо внимание, чекорот е направен и нема да забави наскоро. Сегашното опкружување нуди многу можности и се очекува побарувачката да расте особено во 2025 година, а има најмалку три причини зошто треба да инвестирате во женскиот спорт. Студијата на ВСТ (WST) од крајот на 2024 година покажа дека 80 отсто од брендовите со задоволство би инвестирале во женскиот спорт во следните три години.

Предизвиците (пречките) за инвестирање често не се искористуваат

Бидејќи не постои иста метрика за квалитет за женските спортови и квантитет на спонзорствата за нив како и за машките, важно е да се усвои начинот на размислување на ризичните капиталисти - да се препознае можноста, да се дојде до најдостапните податоци и да се преземе акција. Значи, кои фактори треба да ги земат предвид компаниите пред да инвестираат во женскиот спорт?

Прво, тие треба да утврдат дали целната публика на компанијата е „усогласена“ со базата на (женски) спортски навивачи. Второ, неопходно е да се измери и оправда повратот на инвестицијата (РОИ од англ. ROI - return on investment) преку воспоставените клучни индикатори за успешност. Трето, неопходно е да се утврди дали вредностите на таканаречениот спортски имот (англ. sports property) се усогласени со вредностите на компанијата. Со други зборови, спонзорството треба да биде усогласено со брендот и културата на компанијата.

Секако, важно е да се испита кој спорт во моментов е најпопуларен кога станува збор за жените. На графиконот погоре гледаме дека меѓу најплатените спортистки на планетата во 2024 година, првите десет позиции главно ги зазедоа тенисерките.

Инвестирањето во женскиот спорт е добро не само за жените туку и за бизнисот

Историски гледано, бројките на гледаност и интересот за женскиот спорт се на значително пониско ниво отколку кај машките спортови, што доведе до огромна финансиска разлика во инвестициите. Денес, пак, работите се поинакви, особено во последните три години, кога светските приходи од женскиот спорт пораснаа за 300 проценти. Според едно неодамнешно истражување, 99 отсто од тие што одлучуваат за брендот велат дека ги зголемиле инвестициите во женскиот спорт во последните пет години.

Жените се занимаваат со спорт како никогаш досега, и тоа е препознаено. Женскиот спорт сега се покрива преку платформи на кои историски доминираа мажи. Резултатот е поширока гледаност на спортот во целина. Истражувањата покажуваат и дека жените сега почесто купуваат спортска опрема и други материјали, не двоумејќи се да го споделат својот ентузијазам за спорт на социјалните мрежи.

Тенисерките се меѓу најпопуларните спортистки на светот Depositphotos

 

Инвестициите може да ја преобликуваат сликата за женскиот спорт

Покрај тоа што ќе создаде добар деловен принос, инвестирањето во женскиот спорт може да поттикне генерации жени да останат професионално на тоа поле и да градат успешна кариера. Иако има напредок, жените сè уште заостануваат зад мажите, а истражувањата покажуваат дека заработуваат приближно 82 центи за секој долар што го заработуваат мажите. Во спортот, родовиот јаз во платите е уште позначаен.

Како може да помогнат компаниите? Едноставно - со вложување пари во женскиот спорт. На тој начин компаниите не само што ја поддржуваат идејата за еднаква плата туку придонесуваат и за надминување на јазот и зголемување на гледаноста, што резултира со повеќе спонзорства. Понатаму, со стекнување поголема видливост за женскиот спорт, компаниите помагаат да се создадат нови идоли и примери за девојчињата. Истражувањата покажуваат дека девојките што се занимаваат со спорт преку тренинзите развиваат повеќе вештини, како што се тимска работа и стратегиско размислување и дисциплина, а сето тоа подоцна има позитивно влијание на нивните кариери.

Студијата на „Дилојт“ покажува дека 85 отсто од анкетираните жени што спортувале рекле дека вештините што ги развиле на теренот се важни за успех во кариерата. Резултатите беа уште подобри кај жените на лидерски позиции (91 отсто) и жените што заработуваат над 100.000 долари годишно (93 отсто).

 

Во моментов нема коментари за веста. Биди прв да коментира...

Остави коментар