Деновиве во светот на спортот вниманието на хрватската јавност го привлече информацијата дека два глобални брендови – „Пума“ и „Адидас“ – размислуваат да станат нови спонзори на хрватската фудбалска репрезентација. Со оглед на тоа што нивниот договор со „Најк“ истекува на крајот на јули следната година, се чини дека Хрватскиот фудбалски сојуз (ХФС) ќе треба да донесе голема одлука.
Интересно е што во последните години ХФС добил помеѓу еден и два милиони евра од „Најк“. Сепак, останува да се види каква ќе биде конечната одлука меѓу ова здружение и спонзорот. Тоа сигурно не е најскапата инвестиција на „Најк“ бидејќи, на пример, Бразил, според „Спорткал“, добил околу 100 милиони долари од „Најк“.
Прочитај повеќе
Фудбалерите се преоптоварени со работа - сериозен ризик за повреди
Натпреварите од Светското клупско првенство на ФИФА претежно бргу се забораваат, а загриженоста за повредите и заморот продолжува.
13.07.2025
Една година до СП во фудбал: Билетите се тука, ама (сè уште) не се твои
Уште една година до Светското првенство во фудбал, а навивачите низ светот се во необична позиција: може да купат ВИП-билети за финалето во Њу Џерси за повеќе од 70.000 долари, но не може да резервираат обичен билет за групната фаза.
25.06.2025
Колку заработуваат македонските спортски клубови?
Анализиравме колку заработиле македонските спортски клубови во 2024
10.06.2025
Како да купам спортски клуб во Македонија и во регионот?
Веројатно прв инвеститорски избор во спортски клуб во Адрија би била Хрватска, а по неа на нашиот совршен „индекс на водење бизнис во спортот“ би биле Словенија и Македонија.
07.01.2025
Дали фудбалските школи во регионот имаат шанси да создадат нов Меси?
Фудбалските школи се разликуваат по степенот на стручност на кадрите, програмите и условите за развој на таленти.
19.11.2024
Албуми со сликички - страст поголема од играта на трева
Секоја страница од албумот раскажува приказна за репрезентациите, ѕвездите, градовите домаќини и легендарните стадиони.
25.06.2024
Како што пишува „Вечерњи лист“, моменталната позиција на „Адидас“ во преговорите се чини дека е многу подобра. Исто така, доколку хрватските фудбалери го променат изгледот на својот официјален дрес, тоа би значело дека ќе биде прекината соработката со „Најк“, која дотогаш ќе трае 26 години без прекин. Покрај тоа, пишува весникот, Хрватска на тој начин би станала четвртата репрезентација меѓу првите 11 што моментално го има „Адидас“ како главен спонзор, заедно со Шпанија, Италија и Белгија.
Што е со остатокот од регионот?
По 11 години со „Јако“, Македонија ќе добие нов технички спонзор
„Речиси е извесно дека Македонија ќе има нов технички спонзор, еден од топ светските брендови“, вели Златко Андоновски, портпарол на Фудбалската федерација на Македонија (ФФМ), во разговор за „Блумберг Адрија“, без да потенцира за кој спортски гигант станува збор.
ФФМ повеќе од една деценија соработува со познатата германска компанија за спортска опрема „Јако“. Соработката со овој бренд почна во август 2014 година, а последно договорот за спонзорство беше обновен во јануари минатата година со важност до крајот на оваа година. Износот на договорот е непознат, но се знае дека освен опрема, ФФМ добива и финансиски средства, како и поволни цени за набавка на опрема за младинските селекции и детските категории.
„Горди сме што ја продолживме соработката со ФФМ до крајот на 2025 година. Имавме незаборавни моменти од почетокот на нашето патување, меѓу кои присуството на ЕП 2020 и епската победа против Италија во плејофот во 2022 година. Очекуваме нови победи и незаборавни моменти во иднина“, соопшти тогаш производителот.
Според информациите од портпаролот на ФФМ, договорот со „Јако“ важи до крајот на квалификацискиот циклус за СП, кој што завршува во ноември. Иако во него се предвидува дека ако репрезентацијата се пласира на првенството договорот да може да се продолжи, сепак, Андоновски вели дека има одредени клаузули според кои тоа може, но не мора да се случи.
Претходно, до јули 2014 година, за дресовите на македонските фудбалски репрезентативци се грижеше „Пума“, а овој спортски гигант сега одново соработува со ФФМ и веќе е технички спонзор за фудбалските топки, со кои од следната сезона ќе се играат натпреварите во рамки на првата и втората македонска лига.
Инаку, актуелните дресови на фудбалските репрезентативци се со дизајн на којшто од срцето широко се распространуваат сончевите зраци. Последниот дизајн ФФМ и техничкиот партнер „Јако“ го претставија во март 2023 година. Првиот избор на дрес, секако, е традиционалната црвена боја.
Фудбалските репрезентативци на Македонија
Извор на фотографија: ФФМ
„Препознатливото сонце истакнато на градите на фудбалерите на модерен начин ја отсликува енергијата и гордоста на Македонија. Дизајнот на новиот дрес останува верен на македонското фудбалско наследство, додека резервниот дрес во бело-жолта боја е уште една интерпретација на македонскиот дизајн за фудбалерите и навивачите“, напишаа тогаш од ФФМ. Репрезентација доби и уште една, трета варијанта на дресови и шорцеви во темна боја која дополнително го нагласува сонцето и националната гордост.
„Стилските букви на презимињата и броевите на дресовите се во духот на нашата историја и традиција, со оглед на тоа што се инспирирани од кирилицата“, посочија од ФФМ при промоцијата на новите дресови.
Србија и „Капели Спорт“
До крајот на јуни годинава српските „Орли“ носеа дресови спонзорирани од „Пума“. Како што беше објавено на официјалната интернет страница на српската фудбалска федерација уште во 2018 година, дресот (бел, гостинска верзија) на сите српски репрезентации ја виде светлината на денот и ја воодушеви јавноста, а „ова е почеток на нова, прекрасна приказна потпишана од Фудбалскиот сојуз на Србија (ФСС) и еден од најголемите спортски брендови во светот - „Пума“.
Сепак, како што пишува „Спортклуб“, новиот технички спонзор на Фудбалскиот сојуз на Србија треба да ја испорача опремата во текот на август. Имено, ФСС минатото лето објави ново повеќегодишно партнерство со компанијата „Капели спорт“, со што стана технички спонзор на официјалната облека и опрема за судиите на ФСС. „'Капели спорт' ќе испорача опрема за српските судии, кои судат во првите три нивоа од српските фудбалски натпреварувања“, се наведува на официјалната веб-страница.
„Капели Спорт“, се додава, е глобална мултиспортска компанија со седиште во Њујорк, специјализирана за тимски спортови. И како што објавија медиумите, четиригодишниот договор со „Капели Спорт“ вреди 850.000 долари годишно во готово, како и 800.000 долари годишно во опрема за сите национални тимови.
„Исклучително сме среќни за партнерството со елитната судиска организација на Фудбалскиот сојуз на Србија. Ќе ни биде чест да го гледаме 'Капели Спорт' на центарот на теренот на секој натпревар во првите три нивоа на натпреварувања во Србија“, рече Џорџ Алтирс, тогашен претседател и извршен директор на „Капели Спорт“.
„Легеа“ како спонзор на Црна Гора
Кога станува збор за Црна Гора, италијанскиот производител на спортска опрема „Легеа“ беше технички спонзор на Фудбалскиот сојуз на Црна Гора.
„Со потпишувањето на нов договор со 'Легеа', компанија која е со нас практично од првиот ден, го продолживме партнерството кое беше на исклучително ниво во текот на сите претходни години. Задоволни сме што ќе продолжиме да соработуваме со италијанската компанија во наредниот период и веруваме дека во иднина ќе го зајакнеме партнерството и ќе постигнеме резултати со кои ќе бидеме горди“, изјави претседателот на здружението Дејан Савичевиќ во 2020 година.
Како што беше објавено тогаш, овој Фудбалски сојуз го продолжи договорот со техничкиот спонзор до јуни 2024 година. Интересно е што иако периодот на спонзорство е истечен, фудбалерите сè уште го имаат логото на „Легеа“ на своите дресови.
А кога станува збор за цените, не е сосема сигурно колку пари биле во оптек во договорот со „Легеа“.
Кој го објекува Фудбалскиот сојуз на БиХ?
Слична е приказната и со Босна и Херцеговина. Имено, иако не е познато колку вреди договорот, познато е дека репрезентацијата на БиХ потпиша договор со шпанскиот производител на опрема „Келме“. Новите дресови пристигнаа во 2023 година.
„Нивните производи се карактеризираат со врвен квалитет, креативност и иновативен дизајн на спортска опрема. Континуитетот на соработката со брендот 'Келме' е доказ за посветеноста на Фудбалскиот сојуз на БиХ за подигнување на стандардите, во техничка и спортска смисла, на сите организациски нивоа на работа“, изјави минатата година генералниот секретар на НС/ФС БиХ, Аднан Џемиџиќ, презентирајќи ја новата судиска опрема.
Инаку, овој сојуз пред „Келме“ соработуваше со „Адидас“ речиси една деценија. Сепак, нема јавно објавени бројки за тој договор.
Словенија и „Најк“
Фудбалскиот сојуз на Словенија има договор со светски познатиот бренд „Најк“ од 2007 година. Според фудбалската мода, новите дресови од минатата година имаа посебно значење бидејќи го означија враќањето на Словенија на сцената на Европското првенство по 24-годишно отсуство.
„Со новиот дрес, ние во Фудбалскиот сојуз на Словенија првенствено имавме за цел повторно да го препознаеме дресот со кој репрезентацијата се квалификуваше за Европското првенство по 24 години. Наместо да го менуваме дизајнот, решивме да ги задржиме сите главни сегменти на дресот, кој беше избран од словенечката јавност пред две години на конкурс на интернет страницата на сојузот“, беше објавено за време на презентацијата на новите дресови, пишува „Планет ногомет“.
Што е со најдобрите 10?
Иако „Најк“ е еден од најпознатите спонзори, Словенија не е меѓу првите 10 најплатени репрезентации на овој бренд. Сепак, тие титули им припаѓаат на Франција, Германија, Англија, Италија, Шпанија и други.
Според „Спорткал“, „Најк“ е најзаинтересиран за првите 10 фудбалски тимови, а веднаш по него следат „Адидас“ и „Пума“.
Како што објави „Блумберг Адрија“ минатата година, „Најк“ го замени „Адидас“ како главен спонзор на германската фудбалска репрезентација, преземајќи ја маркетиншката водечка улога на домашен терен на својот главен конкурент.
За потсетување, „Најк“ постојано напредува во меѓународниот фудбал од својот прв голем пробив во 1996 година, кога обезбеди договор со моќниот Бразил. Исто така, спонзорира тимови како Франција, Англија и САД, додека „Адидас“ ги поддржува Италија и Шпанија.
.webp){kind=icon}
