Компанијата „Антропик“ (Anthropic PBC) планира во текот на следната недела да го лансира својот модел на вештачка интелигенција Митос (Mythos), кој привлекува големо внимание, за британските финансиски институции.
Технолошката компанија постепено го проширува проектот „Гласвинг“ (Project Glasswing), програма со која избрани организации добиваат ран пристап до моделот за вештачка интелигенција (ВИ), откако беше утврдено дека тој е моќна алатка за откривање и потенцијално искористување пропусти во сајбер-безбедноста.
„Тоа ќе се случи во многу блиска иднина, во текот на следната недела“, изјави Пип Вајт, шеф на „Антропик“ за Обединетото Кралство, Ирска и Северна Европа, во интервју за телевизијата „Блумберг“. „Како што би очекувале, интересот што го имав од извршните директори во Обединетото Кралство во изминатата недела е значителен.“
Прочитај повеќе
„Антропик“ го престигна „Опен еј-ај“: нова мапа на моќ во индустријата за вештачка интелигенција
„Антропик“ за првпат го престигна „Опен еј-ај“ по приходи, со повеќе од 30 милијарди долари годишен приход.
15.04.2026
„Антропик“ привлече понуди од инвеститори вредни 800 милијарди долари
Разговорите меѓу „Антропик“ и инвеститорите се уште се во рана фаза и договорот може да не се материјализира или деталите може да се променат.
15.04.2026
Банките од Волстрит го тестираат „Митос“ на „Антропик“
Пред да го направи достапен „Митос“ на многу ограничен број компании, „Антропик“ посочи на неколку ранливости.
11.04.2026
„Антропик“ претходно месецов соопшти дека ќе го ограничи пристапот до моделот за да им овозможи на експертите за сајбер-безбедност да го тестираат против сопствените одбранбени системи. Според компанијата, при тестирањето Митос веќе открил илјадници таканаречени нулта дневни (zero-day) ранливости, вклучувајќи и во сите главни оперативни системи и веб-прелистувачи.
Првата група во програмата „Гласвинг“ ги вклучувала големите технолошки компании: „Амазон“ (Amazon), „Епл“ (Apple), „Мајкрософт“ (Microsoft) и „Циско“ (Cisco). Набрзо по најавата, американскиот секретар за финансии Скот Бесент и претседателот на Федералните резерви, Џером Пауел, свикале итна средба со банкарски лидери поради загриженост околу моделот Митос и слични ВИ-системи.
Недостигот од пристап и ограниченото знаење за можностите на моделот предизвикаа загриженост кај банките и државните институции. Гувернерот на Банката на Англија, Ендрју Бејли, изјави дека глобалните регулатори мора брзо да го проценат ризикот што го носи моделот на „Антропик“.
„Воведуваме сопствени заштитни мерки и ограничувања околу овој производ затоа што знаеме колку може да биде моќен“, изјави Вајт.
Британскиот институт за безбедност на вештачката интелигенција (AI Security Institute) во средата соопшти дека има пристап до моделот. Институцијата, поддржана од владата и задолжена за процена на ризиците од вештачка интелигенција, оценила дека моделот претставува „чекор напред во однос на претходните водечки модели“ во симулирање повеќестепени сајбер-напади.
Вајт исто така изјави дека „Антропик“ планира да отвори канцеларија во Лондон во првиот квартал од следната година. Компанијата, која моментално има околу 200 вработени во Лондон, со новата канцеларија ќе го зголеми капацитетот до 800 вработени.
.webp){kind=icon}
