Акциите на кинеските компании од секторот на оптички технологии привлекуваат сè поголем интерес кај инвеститорите, со очекувања дека растечката побарувачка за оптички компоненти клучни за вештачката интелигенција ќе ја поттикне следната фаза на раст во овој сектор.
Компанијата „Жонгџи Инолајт“ (Zhongji Innolight), еден од водечките производители на опрема за оптички комуникации, стана најзастапената акција во портфолијата на кинеските инвестициски фондови во првиот квартал, според извештај на „Чајна мерчантс секјуритис“ (China Merchants Securities).
Растот на акциите ја зголеми пазарната вредност на „Жонгџи Инолајт“ на речиси 1.000 милијарди јуани (146 милијарди долари). Акцијата овој месец порасна за речиси 57 отсто, со што се вбројува меѓу најдобрите добитници во индексот CSI 300.
Прочитај повеќе
Пазарот танцува по работ - Волстрит ја игнорира војната и се обложува на технолошките гиганти
Волстрит моментално ја игра најопасната партија годинава - ја игнорира војната, купува оптимизам и се обложува дека резултатите ќе го спасат пазарот, додека ризикот од пресврт никогаш не бил поголем.
22.04.2026
Трамп вели дека САД ќе се согласуваат со „Антропик“ и покрај спорот со Пентагон
Претседателот Доналд Трамп предвиде дека американската влада ќе има добри односи со „Антропик“, што претставува остар пресврт во тонот кон компанијата за вештачка интелигенција која е во судир со Пентагон.
21.04.2026
„Амазон“ ќе инвестира дополнителни 5 милијарди долари во „Антропик“
Новата инвестиција на „Амазон“ во „Антропик“ ја продлабочува трката меѓу технолошките гиганти во вештачката интелигенција.
21.04.2026
Најдобрaта европска акциja годинава лета на крилјата на фотониката
Малку позната компанија направи над 300 отсто раст и стана најголемата берзанска сензација во Европа благодарение на бумот на вештачката интелигенција.
17.04.2026
Белата куќа планира да даде пристап на американските агенции до „Митос“ на „Антропик“
Американската влада се подготвува да ја направи верзијата од моќниот нов модел на вештачка интелигенција на „Антропик“ достапна за големите федерални агенции.
16.04.2026
Bloomberg
Странските инвеститори во истиот период дополнително ја зголемуваат изложеноста кон кинеската инфраструктура за ВИ, при што „Жонгџи Инолајт“ (Zhongji Innolight), „Сужоу ТФЦ“ (Suzhou TFC Optical Communication) и „Еоптолинк“ (Eoptolink Technology) привлекле меѓу најголемите приливи на капитал, според податоци на „Блумберг интелиџенс“ (Bloomberg Intelligence).
Овој тренд покажува дека инвеститорите сè повеќе гледаат подалеку од производителите на чипови и се насочуваат кон компании што обезбедуваат брза поврзаност, клучна за инфраструктурата за ВИ. Се очекува оптичките технологии да имаат централна улога во овозможувањето на огромните текови на податоци потребни за големите јазични модели и облачното компјутерство.
Позиционирањето на инвестициските фондови во првиот квартал покажува дека „оптичките комуникации и полупроводниците имаат силен и одржлив замав, поддржан од глобалните вложувања во вештачката интелигенција и забрзаниот развој на домашната информатичка инфраструктура“, наведуваат аналитичарите на „Чајна мерчантс секјуритис“, меѓу кои и Жанг Сја.
„Инолајт“ (Innolight) треба да задржи троцифрен раст на приходите во вториот квартал, поттикнат од забрзаните вложувања на американските хиперскејлер-компании во инфраструктура за ВИ и сè поголемото значење на оптичките технологии во центрите за податоци“, изјави аналитичарот на „Блумберг интелиџенс“ Шон Чен.
.webp){kind=icon}
