Во светот на вештачката интелигенција (ВИ), креирањето нови агенти за решавање специфични задачи е долг и компликуван процес.
Но замислете ВИ-агент што самостојно креира, тестира и усовршува други ВИ-агенти, кои потоа може да се користат од различни компании со цел драстично да ги подобрат и автоматизираат процесите во работењето.
Таков ВИ-агент од неодамна е реалност благодарение на визијата на компанијата „Вондерфул“ (Wonderful). За разлика од традиционалните алатки, кои бараат долготрајна изработка и инструкции од страна на инженерите (познато како prompt engineering), оваа нова алатка наречена Агент билдер (Agent Builder) автоматски ја извршува целата работа.
Прочитај повеќе
Агенти со вештачка интелигенција што ги разбираат јазиците од регионот може да работат за вас
Целосно интегрирани во интерните системи на компаниите, ВИ-агентите на компанијата „Вондерфул“ веќе обработуваат десетици илјади сложени интеракции дневно, од решавање поплаки за сметки до закажување термини, а во над 80 отсто од случаите човечка интервенција не е ни потребна...
12.11.2025
Таа не само што ги создава ВИ-агентите туку и ги тестира, усовршува и адаптира во реално време, овозможувајќи брзо и лесно управување со мрежи на агенти во корпоративните средини.
Како функционира Агент билдер?
Агент билдер функционира како „главен агент“, кој самостојно креира и подобрува ВИ-агенти за специфични потреби. Системот користи материјали како документи, бази на податоци и снимки од повици, за да ги научи најдобрите практики и посакуваното однесување на агентите. Со оваа автоматизација, инженерите се ослободуваат од рутински задачи, овозможувајќи им да се фокусираат на повеќе стратешки активности, додека нетехничките тимови може да ги подобруваат агентите преку едноставни повратни информации, како што би обучувале нов член на тимот. Притоа, функционалноста на Агент билдер не е само теорија туку произлегува директно од искуството на повеќе од 60 корпоративни имплементации.
„Агент билдер го автоматизира целиот процес на креирање, тестирање и усовршување на ВИ-агенти. Со неговото користење, компаниите можат да се фокусираат на растот и иновациите, наместо да се занимаваат со комплексните технички процеси“, изјави Бар Винклер, коосновач и извршен директор на „Вондерфул“.
„Вондерфул“ го дизајнираше Агент билдер за да одговори на потребите на големи корпорации. Платформата овозможува лесно додавање нови способности и тестирање различни сценарија, без потреба за подготовки „од нула“. Вработените можат да управуваат со мрежи на агенти преку едноставен интерфејс, а целокупниот процес е дизајниран да биде безбеден и лесен за користење од нетехнички професионалци.
„Овој производ не е иновација само за нас туку и за сите тимови што ќе користат ВИ-агенти секојдневно“, додава Винклер.
Клучно партнерство со „Антропик“
За да ги осигури доверливоста и безбедноста на своите агенти, „Вондерфул“ соработува со „Антропик“ (Anthropic), лидер во безбедноста на вештачката интелигенција. Моделот Клод (Claude) од „Антропик“ е движечката сила на Агент билдер, благодарение на неговите извонредни способности за резонирање и пишување код, кои се клучни за успех на агентите.
„Клод е природен избор за ‘Вондерфул’, благодарение на неговите способности да генерира висококвалитетен код и да го разбере контекстот на различни задачи“, изјави Крис Чиури, генерален директор за меѓународен пазар во „Антропик“.
„Вондерфул“ не застанува само на креирање на ВИ-агенти. Платформата Агент билдер е дизајнирана со долгорочна стратегија за континуиран развој, што значи дека системите ќе станат сè понапредни како што се подобруваат самите модели на вештачка интелигенција.
„Нашата стратегија секогаш била заснована на концептот за ’long on AI‘ – да овозможиме овие модели да растат и да се развиваат како што напредува технологијата“, изјави Рој Лалазар, коосновач и технички директор на „Вондерфул“. „Агент билдер е потврда за оваа посветеност.“
.webp){kind=icon}
