.webp){kind=icon}
Светското првенство во Катар е специфично по многу нешта. Најновото издание на најголемиот фудбалски настан ги отвори можностите за крипто и блокчејн технологијата. Уште во март, Crypto.com беше претставен како главен спонзор на Светското првенство.
Покрај тоа, ФИФА, исто така, потпиша договор за партнерство со блокчејн компанијата Алгоранд за да им овозможи на навивачите ефикасно да ги користат паричниците поддржани од блокчејн технологијата. Овој фудбалски шампионат привлекува внимание и од гледна точка на инвеститорите во крипто-средства, така што имаме токени на различни фудбалски тимови.
Токените на репрезентациите значително го зголемија обемот на тргување на почетокот на првенството. Милиони обожаватели секојдневно тргуваат со купување и продавање на нивните токени. Извршниот директор на Binance, наречен „CZ“ на својот Твитер профил дополнително го привлече вниманието на овој шампионат, истакнувајќи дека навива и предвидува дека турнирот ќе го освои Бразил. Бидејќи во петокот брзо се разочара, тој додаде дека негов фаворит за остатокот од турнирот е фудбалската репрезентација на Мароко.
https://coinmarketcap.com/currencies/brazil-national-football-team-fan-token/
По поразот на бразилската фудбалска репрезентација во четвртфиналниот натпревар на светското фудбалско првенство со репрезентацијата на Хрватска, токенот на нивната фудбалска репрезентација под симболот „БФТ“ падна за неверојатни 60 проценти. Иако Бразил беше познат како еден од водечките фаворити за освојување на трофејот од почетокот на турнирот, по којзнае кој пат се уверивме зошто фудбалот е возбудлива игра. Цената на токенот „BFT“ падна од 0,218 долари на 0,086 долари.
https://coinmarketcap.com/currencies/croatian-ff-fan-token/
Во меѓувреме, како резултат на победата на хрватската фудбалска репрезентација, токенот „Ватрени“ скокна за 15 отсто само една минута по официјалниот крај на натпреварот.
