text size
Од четврток (29 октомври) почнува официјалната примена на електронскиот паричник како дел од апликацијата м.Услуги, што значи дека македонските граѓани ќе можат на својот мобилен телефон да ги имаат својата лична карта и возачка дозвола.
Официјално апликацијата ќе биде промовирана в среда (28 октомври), а министерот за дигитална трансформација Стефан Андоновски кажа дека станува збор за безбедна апликација што нуди можности за заштита на личните податоци.
„Корисниците нема да мора да ги откриваат сите свои податоци, како што тоа го правиме сега кога ги покажуваме пластичните лични карти или возачките дозволи. На пример, кога сакате да се легитимирате во банка, бар и слично, нема да мора да ги покажувате сите податоци од личната карта. Ќе можете сами да изберете кои податоци сакате да ги споделите, на безбеден начин. Податоците ќе се споделуваат преку QR-код, кој се генерира за еднократна употреба. Кодот се скенира, а другото лице ги добива податоците само доколку вие го дозволите тоа. По 10-15 секунди, QR-кодот истекува и не може повторно да се употреби. Многу внимание посветивме на безбедноста“, објасни министерот Андоновски пред почетокот на панел-дискусијата „Предуслови и предизвици за забрзана дигитализација на приватниот сектор“, која се одржа денеска во Скопје.
Прочитај повеќе
Младите во Македонија се онлајн нонстоп, ама повеќе за забава, малку за работа
Младите во Македонија секојдневно се на Тикток, Инстаграм и Вибер. Но кога треба Ексел, е-пошта, анализа на податоци или работа со ВИ - сликата драстично се менува.
24.09.2026
Зелената агенда и дигитализацијата се пречка за пробив на нашите компании во странство
Интересот на македонскиот бизнис-сектор за партнерства со странски компании постепено расте. Сепак, можностите што се нудат се многу поголеми од тоа што домашните фирми го користат, вели Габриела Кулебанова од Стопанската комора на Македонија.
11.09.2026
Продолжува процесот на зелена и дигитална трансформација на Крушево
Општина Крушево заедно со локалните бизниси преземаат стратешки чекори за позиционирање на градот како одржлива туристичка дестинација.
14.08.2026
Купиле софтвер, а каде е трансформацијата на македонските компании
Она што важи за сите мали и средни претпријатија во регионот е дека пред сѐ им недостига повисоко ниво на знаење за тоа што навистина претставува дигиталната трансформација.
27.03.2026
Од хартија до QR кодови - како македонска компанија стана лидер во дигитализацијата
Дигиталната трансформација на компаниите веќе не претставува само тренд туку и реална потреба, која ќе ги зголеми продуктивноста и конкурентноста со пониски трошоци. Примерот на компанијата „Екстра фунги“ од Кочани покажува колкави се придобивките што ги носи дигитализацијата.
18.03.2026
Министерот за дигитална трансформација Стефан Андоновски на конференција на „Блумберг Адрија“
Според министерот, воведувањето на електронскиот паричник е почеток на процес што треба да нѐ доведе до европскиот дигитален паричник, кој ќе значи целосна дигитализација на сите документи.
Преку м.Услуги, граѓаните на едно место ќе можат да пристапуваат до личните документи во дигитална форма, како и до електронските услуги на администрацијата. Целта е државните услуги да станат подостапни и поедноставни за користење, директно преку мобилен телефон, како на пример вадење извод од матичната книга на родени, разни уверенија и слично.
Во рамките на понатамошниот развој на апликацијата, Андоновски информираше дека веќе се водат разговори со Министерството за здравство за податоците од м.Здравје, како и со Министерството за социјална политика, демографија и млади за европската младинска картичка. Целта е м.Услуги постепено да прерасне во дигитален паричник со повеќе документи и услуги достапни на едно место.
Во однос на прифаќањето на електронските документи од институциите, министерот објасни дека тоа ќе биде постепен процес, кој ќе бара приспособување на подзаконските акти и јакнење на институционалните капацитети. Тој потсети дека и за прифаќањето на другите електронски документи биле направени измени во околу сто закони.