.webp){kind=icon}
Компанијата „Епл“ (Apple) очекува да произведе најмалку три милиони телефони iPhone 14 помалку отколку што предвиде претходно годинава.
Имено, Apple и неговите добавувачи сега сакаат да достигнат бројка од 87 милиони или уште помалку во однос на првичната цел од 90 милиони примероци, велат извори запознаени со плановите на компанијата.
Намалувањето пред сè се должи на помалата побарувачка за моделите iPhone 14 и 14 Plus, кои се поевтини варијанти на iPhone Pro. Дополнително, имаше проблеми и во места како што е кинескиот град Женгжу, каде што се склопуваат уредите, а каде има затворање на погоните поради пандемијата.
Продажбата на iPhone 14 и 14 Plus значително опадна од нивното претставување, па Apple ги откажа плановите за зголемување на производството.
Сепак, како што објави компанијата во неделата, побарувачката за моделите iPhone 14 Pro и iPhone 14 Pro Max останува силна, иако нивното производство исто така ќе биде намалено поради ситуацијата во споменатиот кинески град. Сепак, компанијата не сакаше да прецизира никакви конкретни бројки.
Bloomberg Chartmaker
Јапонската компанија за хартии од вредност SMBC Nikko во петокот објави дека очекува Apple годинава да произведе 85 милиони нови ајфони наместо 91 милион.
Фабриката во Женгжу, која е главното место за склопување на ајфони и е управувана од тајванската „Фокскон“ (Foxconn Technology Group), стана место на незадоволство на вработените поради начинот на кој компанијата се справува со појавата на вирусот. Во ваква ситуација, фабриката во Тајван ги зголеми платите и ги засили безбедносните мерки за да ги подобри работните услови, за што Apple вели дека сега е приоритет.
Прочитајте повеќе: Кина заклучува област околу најголемата фабрика за ајфони
Кинеската влада објави дека во Женгжу заклучувањето поради вирусот ќе биде во сила до 9 ноември.
Сепак, поголем проблем на Apple во наредните недели може да биде падот на побарувачката за ајфони, а не понудата.
