Најновиот уред од „Сони“ (Sony Group Corp.) е составен од повеќе преносливи тракери за следење на движењето, дизајнирани да ги внесат корисниците во метаверзумот преку нивните телефони.
Новиот систем „Мокопи“ (Mocopi) се состои од шест дела кои се носат околу зглобовите, глуждовите, главата и колковите на корисникот, а кои се користат за анимирање на аватарите во различни апликации во метаверзумот на телефоните на „Сони“ или на „ајфоните“ на „Епл“ (Apple). „Мокопи“ ќе чини 49.500 јени (360 долари) и ќе биде лансиран во Јапонија во јануари, а е уште еден додаток во арсеналот на уреди од „Сони“ за виртуелна и проширена реалност.
Корисник носи PlayStation VR2 за да ја игра играта „Village“ на саемот за видеоигри во Токио / Bloomberg
„Сони“, чие седиште е во Токио, се обидува да ја прошири гејмерската империја од својата традиционална сила односно конзолите, кон повеќе периферни уреди наменети за персонални компјутери и гејминг на мобилните телефони. Компанијата, исто така, има PlayStation VR „хедсет“, а планира и нова верзија од истиот, при што и двата се дизајнирани да развијат екосистем за виртуелна реалност во согласност со визијата на „Мета“ (Meta) на Марк Закерберг.
Апликациите за метаверзумот и виртуелната реалност досега не успеаја да се пробијат до пошироката јавност и заземаат само дел од светскиот пазар за игри и периферни уреди. „Сони“ се обложува дека може да го поттикне овој сегмент со својот бренд PlayStation и вештината за развој на софтвер.
.webp){kind=icon}