Компанијата „Тесла“ (Tesla Inc.) доби тужба во Германија поради потенцијална загриженост во врска со приватноста на надзорните камери во возилата и тврдењата дека купувањето на нејзините возила помага да се намалат емисиите на јаглерод диоксид (CO2).
VZBV, главното германско здружение на потрошувачи, денеска поднесе тужба пред судот во Берлин, се вели во соопштението.
Организацијата тврди дека Tesla не им кажува на купувачите дека мора да се усогласат со европските прописи за податоци кога го користат таканаречениот „стражарски режим“, кој користи камери за да ја набљудува околината на возилото. Возачите дури ризикуваат и парични казни, велат од VZBV.
Кога во своите рекламни кампањи Tesla тврди дека купувањето на вакво возило помага да се намалат емисиите, компанијата не ја кажува целата приказна, тврди VZBV. Tesla продава сертификати за емисија на други производители на автомобили, давајќи им право да испуштаат повеќе јаглерод диоксид, според организацијата.
Tesla, која нагласува дека нејзините електрични автомобили не испуштаат CO2, е критикувана дека молчи за емисиите предизвикани во производствениот процес. Во јуни, Tesla беше меѓу групата компании што беа критикувани од институционални инвеститори поради тоа што не ги обелоденуваат своите еколошки отпечатоци преку глобалните стандарди за известување.
Tesla не одговори веднаш на пораките кои бараа коментар за ситуацијата.
.webp){kind=icon}
