Можна е финансиска криза ако брокерите користат ист модел на вештачка интелигенција

Прекумерната употреба на истите видови на системи за вештачка интелигенција од страна на премногу брокери и менаџери може да создаде услови за идни превирања, според Гери Генслер, претседател на Комисијата за хартии од вредност (КХВ) на САД.

Во иднина може да дојде до финансиска криза доколку сите играчи на пазарот „се потпираат на истиот модел, истиот алгоритам, истите податоци“, рече Генслер во средата во интервју за ТВ Блумберг (Bloomberg TV) со Аликс Стил и Ромеjн Бостик.

Генслер, љубител на филмови, го спореди ризикот со ботот за вештачка интелигенција прикажан во филмот „Таа“ (Her), во кој илјадници романтични партнери на ликот што во филмот го толкуваше Скарлет Јохансон беа оставени „со скршено срце“ кога системот беше исклучен. „Не сакам да се случи тоа во финансискиот сектор“, рече тој.

„Технологијата ветува иновации и поголем пристап до финансиските пазари, но сè уште има потреба да се осигури дека има разновидност на алгоритми и да се заштити од измами“, рече тој.

Комисијата за хартии од вредност во 2023 година даде предлог да се бара од брокерите и инвестициските советници да го ублажат конфликтот на интереси при својата употреба на алатки за вештачка интелигенција што би можеле да ги стават нивните интереси пред клиентите. Генслер претходно изјави дека персоналот на КХВ сè уште работи на досредување на правилото по првичната рунда коментари.

Повеќе детали прочитајте на следниот ЛИНК.

Во моментов нема коментари за веста. Биди прв да коментира...

Остави коментар