„Киевстар“ (Kyivstar PJSC), најголемиот мобилен оператор во Украина, потпиша договор со „Старлинк“ (Starlink) на Илон Маск за воведување сателитски мобилни услуги во земјата разурната од војна, со цел да постави телекомуникациска инфраструктура надвор од дофатот на руските напади.
Договорот ќе им овозможи на корисниците на „Киевстар“ да користат сателитска поврзаност кога терестријалната мрежа не може да обезбеди услуга во одредена област, соопшти украинската компанија во понеделникот. „Киевстар“ очекува да понуди текстуални пораки користејќи ја технологијата во четвртиот квартал од 2025 година, а ќе се прошири и на гласовни повици во подоцнежните фази.
Руските сили редовно ја напаѓаат украинската инфраструктура, вклучувајќи ги и телекомуникациските мрежи, од инвазијата во февруари 2022 година. Преносливите терминали на „Старлинк“ се критични за воените напори на Украина, обезбедувајќи високобрзински интернет-врски за воените комуникации и цивилното население.
Прочитај повеќе
„Старлинк“ во Македонија: Се исплати ли интернетот на Илон Маск?
Обезбедувањето интернет-конекција преку сателити не е нова идеја, но особено зеде замав откако Илон Маск се вклучи во играта.
19.01.2024
Во јануари „Старлинк“, единицата на „Спејс екс“ (SpaceX), ги лансира во орбитата првите сателити што овозможуваат директна услуга до мобилни телефони. Федералната комисија за комуникации во САД минатиот месец му даде одобрение на „Спејс екс“ да обезбеди покриеност за мобилни телефони на потрошувачите. Компанијата се здружи со „Т-мобајл“ (T-Mobile US Inc.) за да допре до клиентите во т.н. мртви зони со својата растечка мрежа на „Старлинк“, која има илјадници сателити во орбитата.
„Спејс екс“ е една од неколкуте компании што се обидуваат да користат сателити за да обезбедат поврзаност за корисниците на паметни телефони.
„Киевстар“ е украинска подружница на „Веон“ (Veon Ltd). Во јуни таа вети дека ќе инвестира милијарда долари во период од пет години до 2027 година за да ја обнови дигиталната инфраструктура на Украина.
.webp){kind=icon}
