Зошто додека „Енвидија“ гради дата центри, „Гугл“ купува кабли?

Во момент кога Nvidia, Oracle, Meta и другите гиганти вложуваат десетици милијарди долари во нови дата центри и графички процесори, Google прави потег кој на прв поглед изгледа нелогично — инвестира во оптички кабли.

Google преговара со инвестицискиот фонд Stonepeak за заедничко вложување во оптичка инфраструктура преку обединување на Google Fiber (услуга за оптички интернет на Google) и Astound (шеста најголема телекомуникациска компанија во САД која исто така има свои оптички кабли), со инвестиција од околу милијарда долари. Наместо нови дата центри и масовни набавки на графички процесори, Google избира физичка мрежа која ги поврзува сите тие центри. Ова не е повлекување од трката во вештачката интелигенција (ВИ), туку јасен знак дека Google гледа каде се формира следното „тесно грло“ на индустријата.

Depositphotos

 

Зошто каблите се поважни од дата центрите

Современите дата центри повеќе не личат на класични сали со сервери. Тренирањето на големи модели за ВИ бара синхронизација на десетици илјади графички процесори кои постојано разменуваат огромни количини податоци. Во таков систем, задоцнување од неколку милисекунди на еден јазол значи часови загубено време на ниво на целата обука.

Поради тоа, ВИ центрите бараат до 36 пати повеќе оптички кабли отколку традиционалните дата центри. Проблемот е што производството не може да ја следи побарувачката. Corning, најголемиот светски производител на оптичко стакло, ги распродаде своите производствени капацитети за целата година, а нови капацитети се очекуваат дури во 2027 година.

Ситуацијата дополнително се комплицира поради тоа што клучните суровини, како германиум, доаѓаат во голема мера од Кина, која го ограничува извозот во рамките на поширокиот технолошки конфликт со САД. За разлика од графичките процесори, овој проблем не може да се реши со едноставно зголемување на буџетот.

Google не бега туку се осигурува 

Тековната логика на ВИ индустријата е прилично едноставна: кој има повеќе ВИ чипови, има подобар ВИ. Затоа Nvidia продава сè што произведува, Oracle брзо отвора нови облак средини, а технолошките гиганти влегуваат во најскапиот инфраструктурен циклус во историјата на индустријата.

Проблемот е што чиповите се краткорочни средства. Најновите чипови застаруваат за две до три години, а повратот на инвестицијата зависи од постојаниот раст на побарувачката и цените. Во таква трка, сите купуваат иста стока, од истиот производител, по сè полоши услови. Очигледно, Google проценува дека тој дел од пазарот веќе е прегреан.

Истовремено, OpenAI најавува воведување платени реклами на ChatGPT. Со тоа, ChatGPT првпат директно влегува во срцето на пазарот за дигитален маркетинг, вреден стотици милијарди долари, кој Google го контролираше практично со децении.

Ова не е само нов формат на монетизација, туку стратегиски напад на основната дејност на Google.

Додека OpenAI со реклами во ChatGPT влегува во класичниот бизнис на „внимание“ и се бори за кликови, Google се преместува во сосема друга сфера на пазарот. Наместо да продава внимание на корисниците, Google сака да поседува инфраструктура — дигитална „патарина“ низ која минуваат сите ВИ системи, без разлика кој ги контролира.

Во тој контекст, инвестицијата на Google во оптички кабли изгледа како класичен хеџинг. Додека Nvidia и Oracle вложуваат во имот кој брзо застарува и носи висок пазарен ризик, Google инвестира во инфраструктура со животен век од 20 до 30 години, со стабилни и предвидливи приходи.

 

 

Кој ги контролира каблите, го контролира и местото каде воопшто е можно да се градат напредни ВИ системи. Тоа е позиција на моќ која конкурентите во моментов ја занемаруваат.

Европа и регионот градат фабрики, но забораваат на каблите

Европската унија најави вложување од преку 200 милијарди евра во ВИ гигафабрики и суперкомпјутери. Се фокусира речиси исклучиво на процесорите, додека инфраструктурата која ги поврзува останува во сенка.

Слични навестувања се гледаат и во регионот Адрија, но тука имаме шанса: 

 

 

 

 

Заедничка можност?

Ниту една од овие земји сè уште нема јавно дефинирана стратегија за оптичка ВИ инфраструктура — токму таму каде што се одлучува на долг рок дали ВИ капацитетите навистина ќе можат да растат.

Клучното прашање за регионот е дали телекомуникациските оператори и носителите на одлуки воопшто го планираат овој бран. ВИ дата центрите не само што трошат електрична енергија — тие „јадат“ мрежа, барајќи повеќекратно повеќе оптички капацитети отколку класичниот облак. Ако за тоа не се размислува денес, утре инфраструктурата ќе стане тесно грло, без разлика на бројот на набавени чипови.