Најновиот прототип на БМВ (BMW AG) можеби е најдобар приказ за идниот автомобил на „Епл“ (Apple Inc.): возачите пред себе имаат нула копчиња и прекинувачи, во суперелегантен ентериер, каде што ветробранското стакло дејствува и како џиновски дисплеј со гласовни контроли.
Некои од таквите технологии беа прикажани во концепт-автомобилот i Vision Dee, изложен на годинешниот саем за потрошувачка електроника во Лас Вегас, а тие ќе бидат достапни во 2025 година, според главниот извршен директор Оливер Зипс. Иако го користи системот за распознавање глас од „Амазон“, возилото има најголем софтвер што го развива изворно БМВ, во обид производителот да остане независен од технолошките гиганти.
„Мораме да бидеме многу внимателни за да не даваме податоци“, рече претходно Зипс, за време на настан во Минхен. „Нашиот автомобил беспрекорно ќе се интегрира во вашите дигитални животи за да стане ваш вистински придружник“.
Впечатливото шоу на БМВ во Лас Вегас доаѓа во време кога проектот на „Епл“ за многу таинствениот автомобил се соочува со одложување до веројатно 2026 година, бидејќи плановите на компанијата за интегрирано самостојно возење се покажаа како премногу амбициозни. Но дури и со одложувањето, притисокот од „Епл“ продолжува да виси над автомобилската индустрија, каде што актуелните производители се борат да интегрираат сложени дигитални услуги.
Софтверските одложувања го спречуваат масовното пренасочување на „Фолксваген“ (Volkswagen AG) кон електрични возила, што му пресуди на извршниот директор минатата година. Возачите што се борат со замрзнати екрани на дисплеите и нестабилни ажурирања на софтверот придонесуваат „Фолксваген“ да го изгуби пазарниот удел во Кина, нејзиниот најголем пазар. „Мерцедес бенц“ (Mercedes-Benz AG) минатата година повлече 9.100 од своите водечки електрични седани EQS во САД за да поправи софтверска грешка што можеше да предизвика исклучување на задните трепкачи.
Во БМВ, кој одбра ретроизглед за i Vision Dee, што потсетува на неговите седани од 1960-тите, програмерите имаат подобри резултати во додавањето на дигиталните компоненти.
Од 2019 година, БМВ безжично го ажурира софтверот за автомобили со широк пакет функции, вклучувајќи и информации за забава и безбедносни приспособувања. Во моментот, повеќе од 3,8 милиони возила на БМВ редовно добиваат ажурирања.
Видео од презентацијата на најновиот прототип што менува бои можете да погледнете на следниов ЛИНК.
.webp){kind=icon}