Според некои извори, Илон Маск почнал да регрутира експерти од областа на вештачката интелигенција за да започне со работа на алтернативен четбот што би го надминал многу популарниот ЧетГПТ (ChatGPT). Малку е познато дека Маск е еден од коосновачите на компанијата креатор „Опен еј-ај“ (OpenAI), која започна со работа во 2015 година.
Првото име што се јавува на листата на Маск е Игор Бабушкин, кој неодамна го напушти „Дипмајнд“ (DeepMind Artificial Intelligence), оддел под чадорот на „Алфабет“ (Alphabet).
ЧетГПТ привлече повеќе од 100 милиони корисници за нешто помалку од два месеца од своето појавување, достигна бројка од 13 милиони посетители дневно, а статистиките само растат. Како резултат на тоа, четботот стана една од најбрзорастечките потрошувачки апликации. Откако постојано ги нагласуваше опасностите од вештачката интелигенција, се чини дека токму Маск е тој што ќе се обиде да развие вештачка интелигенција што ќе му се спротивстави на ЧетГПТ.
Како одговор на ЧетГПТ за Илон Маск, тој четбот сега го карактеризира Маск како Че Гевара, попознат како револуционер, лекар, писател и герилски водач.
И покрај значајните критики, „Бајненс“ (Binance) го пофали ЧетГПТ за неговиот потенцијал да се искористи во усвојувањето на крипто, достапноста, образованието за криптосредства и блокчејн-технологии.
Како реакција, криптовалутите поврзани со вештачката интелигенција имаа добар ден.
„Оушн протокол“ (Ocean Protocol / OCEAN) е во плус за 3,15 проценти на дневна основа, додека „Сингуларити НЕТ“ (SingularityNET / AGIX) е во пораст од 19,45 отсто на дневна основа. Во однос на дневниот обем на тргување, „Сингуларити НЕТ“ забележа значителен скок од 168 отсто и зголемување на вкупната пазарна капитализација за 19,39 отсто, до сегашните 618 милиони долари, што го рангира токенот AGIX на 78-то место според „Коин маркет кап“ (CoinМarketCap).
.webp){kind=icon}
