Основачот на „Софтбанк“ (SoftBank Group Corp), милијардерот Масајоши Сон ја замоли јапонската публика да ја прифати вештачката интелигенција, држејќи стравстен говор за потребата што порано да се усвои новата технологија.
„Јапонија, која во голема мера го пропушти почетниот бран на раст од интернетот, не може да си дозволи да изгуби уште три децении“, рече Сон за време на оптимистичкото главно обраќање на „Софтбанк Ворлд“ (SoftBank World), годишен настан на технолошкиот инвеститор за домашните корпоративни клиенти.
Истакнувајќи дека повеќе од 70 проценти од компаниите во Јапонија или забрануваат или размислуваат да ја забранат употребата на генеративна вештачка интелигенција, Сон мавташе со рацете во фрустрација.
Прочитај повеќе
„ЏП Морган“: Вештачката интелигенција ќе ја скрати работната недела на три и пол дена
Вашите деца ќе доживеат 100 години и нема да имаат рак поради технологијата, вели Џејми Дајмон.
03.10.2023
Пентагон бара транспаретност од компаниите за вештачка интелигенција
Се повикуваат компаниите да споделат информации за тоа како се создава нивниот софтвер за вештачка интелигенција
30.09.2023
Вештачката интелигенција доаѓа на Инстаграм, Месинџер и Ватсап
Компанијата „Мета“ воведува функции за вештачка интелигенција (ВИ) во своите апликации.
28.09.2023
Вештачката интелигенција може да го спаси светот од една деценија низок економски раст
Сметководството или правните, па дури и медицинските професии нема да бидат исти
26.09.2023
„Да се каже - не користете вештачка интелигенција - е како да кажете, не возете автомобил или не користете електрична енергија“, рече тој. „Без разлика дали ви се допаѓа или не, револуцијата на вештачката интелигенција ќе дојде“.
Сон остана настрана од очите на јавноста оваа година откако претрпе, како што рече, криза на доверба поради зголемените загуби во водечкиот „Вижн фонд“ (Vision Fund) на „Софтбанк“. Но, зголемениот интерес за вештачката интелигенција, поттикнат од „Чет ГПТ“ (ChatGPT) на „Опен еј-ај“, заедно со иницијалната јавна понуда на компанијата за чипови „Арм Холдингс“ (Arm Holdings Plc) минатиот месец, се чини дека го оживеа неговиот дух.
„Вижн фонд“, кој инвестираше милијарди долари во стотици стартапи, изгуби повеќе од 30 милијарди долари минатата фискална година и премина во одбранбен, главно неактивен режим. Но, сега „Софтбанк“, која има повеќе од 40 милијарди долари во готовина, се подготвува повторно да се врати во офанзива, велат директорите.
Ентузијазмот на Сон за вештачката интелигенција беше прикажан за време на неговата 90-минутна презентација, која започна со илустрација на златна рипка во чинија со риба. Луѓето кои одбиваат да користат вештачка интелигенција ќе завршат слични на таа златна рипка, неспособни да обработуваат информации како јазикот, рече тој. Збирот на знаење што ќе го има вештачката интелигенција ќе биде десет пати поголемо од знаењето на целото човештво во рок од десет години, додаде тој.
Главниот извршен директор на „Арм“, Рене Хас, се појави за време на презентацијата на Сон за да објасни како енергетската архитектура на дизајнерот на чипови ќе стане уште поклучна со ширењето на уредите со вештачка интелигенција во иднина.
„„Софтбанк“ ја прифаќа вештачката интелигенција“, рече Сон.
„Софтбанк“, третиот по големина јапонски безжичен оператор, се поврза со „Мајкрософт“ (Microsoft Corp.) за да ги пласира „Опен еј-ај“ услугите во земјата и работи на сопствен чет-бот на јапонски јазик.
„Разбуди се, Јапонијо!“, рече Сон пред публиката. Извршниот директор рече дека сака да гледа дебата меѓу Чет ГПТ-ботови, како поевтина алтернатива отколку да гледа како неговите директори се расправаат околу идеите.
„Сакам да бидам на страната на еволуцијата. Не сакам да бидам оставен во позадина“.
.webp){kind=icon}
