„Опен еј-ај“ преговара за продажба на акции вредни 86 милијарди долари

„Опен еј-ај“ е во преговори за продажба на акции на вработените проценети на 86 милијарди долари, според луѓе со познавање на ова прашање.

Стартапот кој стои зад вештачка интелигенција „ЧетГПТ“ (ChatGPT) преговара со потенцијални инвеститори за трансакцијата, позната како тендерска понуда. Компанијата не ги финализирала распределбите и условите сè уште може да се променат.

„Опен еј-ај“, во која корпорацијата „Мајкрософт“ поседува 49 проценти од сопственоста е предводена од главниот извршен директор Сем Алтман и претседателот Грег Брокман. Со 86 милијарди долари, таа би ги надминала компаниите како „Страјп“ (Stripe) и кинескиот онлајн трговец на мало, „Шејн“ (Shein), и би станала една од највредните светски компании, зад „Спејс Икс“ на Илон Маск и зад сопственикот на „Тик Ток“ (TikTok), „Бајт Денсе“ (ByteDance).

Претставникот на „Опен еј-ај“, која има седиште во Сан Франциско одби да коментира.

Компанијата е на пат да генерира милијарда долари годишен приход бидејќи бизнисите ја прифаќаат технологијата, објави „Блумберг“ во август.

Минатиот месец, „Вол Стрит Журнал“ (Wall Street Journal) објави дека „Опен еј-ај“ разговара за потенцијална продажба на акции што ќе го вреднува стартапот од 80 до 90 милијарди долари.

Во моментов нема коментари за веста. Биди прв да коментира...

Остави коментар