.webp){kind=icon}
Германскиот индустриски гигант „Сименс“ (Siemens AG) соработува со „Мајкрософт“ (Microsoft Corp.) за да развие асистент базиран на вештачка интелигенција (ВИ) со цел да се подобри соработката помеѓу луѓето и машините во производството.
„Сименс индастријал копајлот“ (Siemens Industrial Copilot) користи генеративна вештачка интелигенција за да им овозможи на корисниците да креираат, оптимизираат и отстрануваат грешки во автоматизацијата преку алатка за заштеда на време на компаниите, се наведува во соопштението на „Сименс“ од вторникот. „Тоа ќе го намали на неколку минути времетраењето на задачите што претходно траеле со недели“, велат од компанијата.
„Мајкрософт“ беше пионер во интеграцијата на генеративните „копилоти“ со вештачка интелигенција во сопствените производи и услуги откако инвестираше повеќе од 10 милијарди долари во креаторот на ЧетГПТ (ChatGPT), „Опен еј-ај“ (OpenAI). Сега развива копилоти со партнери за да им помогне на индустриските сектори, вклучувајќи ја и автомобилската индустрија, во однос на стоките за широка потрошувачка и инженерството.
„Ова би можело да го револуционизира начинот на кој компаниите дизајнираат, развиваат, произведуваат и работат“, рече извршниот директор на „Сименс“, Роланд Буш. „Соработката меѓу човекот и машината ќе им овозможи на инженерите да го забрзаат развојот на кодот, да ја зголемат иновативноста и да го решат недостигот од квалификувана работна сила“.
Германскиот доставувач на автомобили „Шефлер“ (Schaeffler AG) веќе користи сличен копилот за да генерира код за програмирање системи за автоматизација и намалување на времето на застој во фабриките.
