text size
Компанијата за достава УПС (UPS - United Parcel Service Inc.) неодамна го отвори својот најголем магацин, огромен објект на периферијата на Луисвил, Кентаки. Но не очекувајте дека просторијата за паузи ќе биде преполна.
Гигантот за пратки планира да го пополни објектот вреден 79 милиони долари со повеќе од 3.000 роботи до крајот на следната година за да се справи со задачите како кревање и да ја намали потребата од физичка сила. Тоа ниво на автоматизација значи дека УПС може да го менаџира магацинот со околу 200 работници, чиј број се очекува да се зголеми со текот на времето.
„Тоа е основата на нашата стратегија“, рече Бил Севард, претседател на „УПС саплај чејн“ (UPS Supply Chain Solutions), за автоматизираниот простор. „Важно е да можете да обезбедите најдобра цена во класата и најдобра услуга во класата за вашите клиенти“.
Прочитај повеќе
Вработениот што користи вештачка интелигенција ќе го замени оној што не користи
Како што нема раст на бизнисите без е-трговија, така нема раст на е-трговијата без вештачка интелигенција, вели Нина Ангеловска.
13.11.2023
„Сименс“ и „Мајкрософт“ развиваат асистент со вештачка интелигенција за во фабриките
„Тоа ќе го сведе на минути времето на задачи што претходно траеле со недели“, велат од „Сименс“.
01.11.2023
PwC ќе нуди консултантски услуги од ботови со вештачка интелигенција
„Прајсвотерхаус Куперс“ соработува со сопственикот на ЧетГПТ, компанијата „Опен еј-ај“, за да им понуди на своите клиенти совети генерирани од ВИ.
17.10.2023
Големите оператори, вклучувајќи ги УПС и ГХО (GXO Logistics Inc.), го користат овој исчекор на автоматизацијата за да го зграпчат пазарниот удел од компаниите што управуваат со постари капацитети и повеќе се потпираат на човечки работници. „Роботите ги зголемуваат брзината и прецизноста во обработката на нарачките, подобро ги евидентираат резервите и заштедуваат простор со поставување на пакетите на повисоки нивоа во зградата“, вели Севард.
Продажбата во логистичкиот бизнис на УПС се зголеми за 11 отсто во првите девет месеци од годинава, иако вкупната продажба на „Саплај чејн солушнс“, која вклучува и шпедиција и управување со камиони, падна за повеќе од 22 отсто поради падот на пратките. Севард рече дека логистичкиот бизнис има двојно поголема оперативна маржа од неговите типични конкуренти, но не наведе бројка.
УПС одби да каже колку помалку работници се потребни во автоматизиран објект во споредба со таков каде што преовладува мануелна работа. Администрацијата на гувернерот на Кентаки, Енди Бешеар, рече дека објектот може да создаде 500 работни места за дистрибуција и за логистика.
„Роботите помагаат да се намалат повредите од кревање тешки предмети и од повторливи движења за 40 отсто“, рече Севард. Работниците во магацинот се одвоени од главниот бизнис за испорака на мали пакети на УПС и не се опфатени во синдикатот.
„Тие работат исклучително ефикасно бидејќи автоматизираните објекти имаат многу високи перформанси и брзина на услугата“, додаде тој.
.webp){kind=icon}
