.webp){kind=icon}
Магацинските работници наскоро може да се соочат со нова конкуренција - хуманоидни роботи - имајќи предвид дека „ГХО“ (GXO Logistics Inc.) тестира хуманоиден модел во својот објект во, Џорџија.
Роботот по име „ Дигит“ (Digit), создаден од стартапот „Агилити Роботик“ (Agility Robotics), работи со пакетите на брендот „Спанх“ (Spanx), поставувајќи ги своите производи на подвижна лента, иако бавно, но се очекува да стане поефикасен со текот на времето.
Компанијата привлече инвестиции од „Амазон“ стартапот отвора производствен капацитет во Салем, Орегон, кој ќе има капацитет да произведува до 10.000 роботи годишно, изјави во телефонско интервју Демион Шелтон, извршен директор и ко-основач на компанијата.
Роботот има одредени ограничувања. Со димензии пет стапки (1,5 метри), девет инчи (22,8 сантиметри) и тежина од 64 килограми, „Дигит“ може да носи само околу 16 килограми. Неговата батерија сега трае околу два часа, но се очекува тоа време на работа да се удвои со новиот сериски модел, рече Шелтон.
Земајќи ги предвид трошоците за роботот и неговиот животен век од околу 20.000 часа, цената на трудот е од 10 до 12 долари на час. Како што се зголемува производството, тој трошок се очекува да се зголеми на два или три долари на час, како додаток на трошоците за софтвер, рече Шелтон.
Хуманоидната форма му овозможува на роботот да работи во простори наменети за работници. Додека се движи на две нозе, роботот може да прескокнува предмети, а неговите две раце му дозволуваат да посегне по нештата, вели извршниот директор на компанијата.
„Дигит“ не е единствениот хуманоиден робот. Илон Маск го промовираше роботот „Оптимус“ на „Тесла“, додека роботот „Атлас“Atlas направен од „Бостон Динамик“ (Boston Dynamics), може да направи обратна ролна.
Побарувачката за автономни мобилни роботи - рамни уреди што работат на тркала и можат да носат предмети низ магацините - експлодира бидејќи ја елиминираат потребата работниците да вршат таков тип на работа. Дали хуманоидните роботи ќе се користат повеќе ќе зависи од тоа колку се практични и исплатливи машините, рече Џеф Бурнштајн, претседател на Здружението за напредна автоматизација.
„Како и со сите други процеси за развој на роботи, сè се сведува на природата на работата“, рече тој.
