.webp){kind=icon}
Фосилните горива се минато! Но, не ако се прашува Мате Римац.
Прво тој создаде револуција развивајќи свој електричен погон. Многу производители на автомобили принуди да ги напуштат класичните мотори со внатрешно согорување, за сега повторно да направи целосен пресврт. Како што откри за Bloomberg Adria, Мате Римац веќе две години развива целосно нов бензински мотор, а од него дознавме за што ќе се користи моторот за кој вели дека го развиле од нула.
„Никогаш не сакав да работам на автомобили на електричен погон затоа што баш сакам електричен погон, туку затоа што чувствував дека тие можат да направат некои работи во однос на перформансите што автомобилите со внатрешно согорување не можат. Мислам дека за Bugatti, кој е базиран и има цела историја на мотори со внатрешно согорување, сè уште постои интересна комбинација од тие два света – електричен и бензински погон“, изјави Мате Римац за Bloomberg Adria.
Прочитај повеќе
Блумберг тест: Римац Невера креира историја на електричната подвижност
Електричниот суперавтомобил развива 100 километри на час за само 1,85 секунди, а најголема брзина му е 415 км на час
19.08.2022
Тој додаде дека во светот има многу хибриди, но дека тие мислат дека ќе ги направат работите прилично поинаку.
„Последниве две години развиваме нов Bugatti, односно платформа за нов Bugatti која ќе се користи за неколку модели и веќе најавивме дека ќе биде хибрид, но една многу интересна комбинација на многу моќен електричен погон и многу интересен бензински мотор“, ни откри Римац и се пофали:
„Можам да најавам дека во последните две години развиваме целосно нов бензински мотор. Додека сите производители престануваат да ги развиваат своите бензински мотори, или и натаму ги надградуваат постоечките мотори, ние решивме да започнеме целосно од нула, од бел лист хартија и да развиваме нов мотор. Повеќе нема да користиме W со 16 цилиндри што ги користи Bugatti во последните 20 години, туку нешто подобро и поинтересно во комбинација со електричен погон“, истакнува Римац со прониклива насмевка.
Римац верува дека „може да направи интересни работи“ со своите два бренда.
„Преку Nevera и идните модели можеме да го позиционираме Rimac како врв на електричните автомобили, а со Bugatti, гледајќи ја традицијата и вековната историја што ја има брендот, можеме да направиме интересни хибриди“.
Целото интервју на Марко Перожиќ со Мате Римец наскоро ќе можете да го погледнете на нашата телевизиска платформа во серијалот Leaders for BBA (Лидери за ББА).
