Зголемена побарувачката за кредити од компаниите, а намалување на побарувачката од домаќинствата се забележува во третиот квартал од годинава, покажуваат резултатите од новата анкета за кредитна активност на Народната банка. Банките очекуваат овој тренд да продолжи и во четвртиот квартал од годинава.
Промена на побарувачката кај домаќинствата
Во третиот квартал на 2022 година, анкетата укажува на умерено нето-намалување на побарувачката на вкупните кредити на секторот „домаќинства“, за разлика од нетозголемувањето во претходната анкета.
Прочитај повеќе
Банките ќе ги заоструваат кредитните услови
Продолжува трендот на заострување на кредитните политики кој го обележа и третиот квартал од годинава
05.11.2022
Рекорден раст на каматите во еврозоната, што ја очекува Македонија?
Зголемување на трошоците има кај новите станбени кредити за домаќинствата
05.11.2022
Стопанска банка заработи фантастични 37,2 милиони евра
Вкупната актива на банката изнесува 116.961.561.000 денари (1,9 милијарди евра) и е зголемена за 3 отсто во однос на крајот од минатата година
28.10.2022
Има компании зрели за ИПО: Ни растот на каматите нема да ги натера
Банкарските кредити со години се прв избор за финансирање на македонските компании и сега кога каматите растат
27.10.2022
Долгот го зголеми учеството во доходот: Ризици има
Вкупниот долг на домаќинствата во расположливиот доход изнесува 46,3 проценти
14.10.2022
„Нето-намалувањето на побарувачката на вкупните кредити на домаќинствата во третиот квартал е во рамките на очекувањата на банките дадени во претходната анкета, но послабо. Во четвртиот квартал од 2022 година, банките очекуваат натамошно нето-намалување на побарувачката на кредити од страна на домаќинствата“, соопшти Народната банка.
Што се однесува до факторите коишто делуваат врз побарувачката на станбените кредити, сите фактори од групата „потреби за финансирање“ и „употреба на алтернативно финансирање“ придонесуваат за нето-зголемување на кредитната побарувачка, слично како и во претходната анкета.
Од факторите коишто делуваат врз побарувачката на потрошувачките кредити, довербата на потрошувачите придонесува за нето-зголемување на побарувачката, слично како и во претходната анкета.
„Според банките, трошоците за трајни добра, кредитите од останатите банки и останатите извори на финансирање предизвикаа нето-намалување на побарувачката на потрошувачки кредити, за разлика од нето-зголемувањето во минатата анкета кај последните два фактора. Заштедите на населението укажуваат на непроменетост на побарувачката на потрошувачки кредити на домаќинствата“, објаснуваат од Народната банка.
Кои фактори влијаат врз побарувачката за кредити кај компаниите?
Во третиот квартал на 2022 година, анкетата укажува на нето-зголемување на вкупната побарувачка на корпоративни кредити, којашто е посилна во однос на претходната анкета. И понатаму, најголемиот процент од банките укажуваат на непроменетa вкупна кредитна побарувачка (околу 52 проценти од банките).
„Нето-зголемувањето на побарувачката во третиот квартал е посилно во споредба со очекувањата дадени во претходната анкета за минимално нето-зголемување на побарувачката. За четвртиот квартал од 2022 година, банките очекуваат нето-зголемување на кредитната побарувачка од страна на претпријатијата“, информираат од Народната банка.
Анализирано од аспект на факторите коишто влијаат врз побарувачката на корпоративните кредити, во рамките на групата „потреби од финансирање“, сите фактори придонесуваат кон нето-зголемување на побарувачката на корпоративни кредити, слично како и во претходната анкета. Исто така и во рамките на факторите од групата „употреба на алтернативно финансирање“, факторите интерно финансирање и заеми од останати банки придонесуваат кон нето-зголемување на побарувачката на корпоративни кредити, слично како и во претходната анкета, додека факторот издавање сопствени хартии од вредност укажува на непроменетост, за разлика од малото нето-зголемување во претходната анкета.
.webp){kind=icon}
