Во октомври годинава просечната каматна стапка на вкупните кредити е зголемена за 0,05 п.п. и изнесувала 4,40 отсто. Просечната каматна стапка на вкупните депозити, пак, изнесува 0,74 отсто и на годишно ниво бележи пад од 0,03 п.п., соопшти Народната банка.
„Просечната каматна стапка на новоодобрените кредити, во октомври е 4,44 отсто, што претставува месечно и годишно зголемување од 0,35 п.п. и 0,50 п.п., соодветно. Просечната каматна стапка на новопримените депозити, пак, изнесува 1,50% и е повисока за 0,43 п.п. и 0,71 п.п., соодветно на месечна и на годишна основа“, стои во соопштението од Народна банка.
Во корпоративниот сектор, во октомври просечната каматна стапка на вкупните кредити бележи месечно зголемување од 0,12 п.п. и изнесува 3,71 отсто.
Каматната стапка на новоодобрените кредити на корпоративниот сектор во октомври оствари раст од 0,64 п.п. во однос на претходниот месец и изнесува 4,36 отсто. Каматната стапка на новоодобрените кредити на корпоративниот сектор бележи годишен раст од 0,97 п.п.
Просечната каматна стапка на вкупните депозити на корпоративниот сектор, во октомври се зголеми за 0,15 п.п. на месечно ниво и изнесува 1,26 отсто. Оваа каматна стапка на годишно ниво забележа раст од 0,21 п.п.
Каматната стапка на новопримените депозити на корпоративниот сектор изнесува 1,66 отсто, што претставува месечен раст од 0,58 п.п. Во споредба со истиот месец минатата година, каматната стапка на новопримените депозити на корпоративниот сектор оствари зголемување од 1,13 п.п.
Кај домаќинствата каматната стапка на вкупните кредити во октомври забележа месечно намалување од 0,02 п.п. и изнесува 5,03 отсто.
Просечната каматна стапка на новоодобрените кредити на домаќинствата изнесува 4,58 отсто и е намалена за 0,07 п.п., во споредба со претходниот месец. На годишна основа, просечната каматна стапка на новоодобрените кредити на домаќинствата бележи раст од 0,04 п.п.
Kаматната стапка на вкупните депозити на домаќинствата, во октомври бележи месечен раст од 0,03 п.п. и изнесува 0,70 отсто.
Во октомври, каматната стапка на новопримените депозити на домаќинствата е зголемена за 0,38 п.п. на месечно ниво и изнесува 1,45 отсто.
.webp){kind=icon}
