text size
Најголемата швајцарска банка УБС (UBS Group AG) во историски договор со посредство на Владата се согласи да го купи помалиот ривал „Кредит Суис“ (Credit Suisse Group AG) кој западна во низа проблеми.
Целта на ваквиот потег е да се спречи кризата на доверба која се закануваше да се прошири низ глобалните финансиски пазари.
Според упатени извори, УБС плаќа повеќе од две милијарди долари за својот ривал, иако претходно понуди преземањетo да се реализира за сума до милијарда долари, но од „Кредит Суис“ отстапија велејќи дека тој износ е премногу низок.
Прочитај повеќе
„Фајненшл тајмс“: УБС нуди да го купи Кредит Суис за милијарда долари
Најголемата швајцарска банка УБС понудила купување на помалиот ривал „Кредит Суис“ кој западна во низа проблеми, пишува „Фајненшл тајмс“.
19.03.2023
УБС размислува да ја преземе Кредит Суис, но бара владини гаранции
УБС бара од швајцарската влада заштитен механизам доколку се одлучи да ја купи „Кредит Суис“.
18.03.2023
„Кредит Суис“ доби сламка за спас, но ќе ги врати ли клиентите?
Спасувачкиот пакет од 54 милијарди долари што „Кредит Суис“ го доби во четвртокот ѝ дава шанса да го обнови својот бизнис.
17.03.2023
Поради кризата, „Кредит Суис“ ќе земе 54 милијарди долари од централната банка
„Кредит Суис“ ќе добие заем од 50 милијарди швајцарски франци (54 милијарди долари) од централната банка на Швајцарија.
16.03.2023
Акциите на „Кредит Суис“ потонаа, главниот акционер рече „не“ за повеќе инвестиции
Акциите на швајцарската банка паднаа на најниско ниво досега, а нејзините кредитни распони се зголемија.
15.03.2023
Ветеран на „Кредит Суис“ ја напушта компанијата
Нилкант Мишра, еден од главните стратези на „Кредит Суис“ за азиско-пацифичкиот регион, ја напушти компанијата.
15.03.2023
Откриени пропусти во финансиските извештаи на „Кредит Суис“
Групацијата „Кредит суис“ објави дека открила „материјални слабости“ во постапките за финансиски извештаи за 2022 и 2021 година.
14.03.2023
Тоа ќе биде зделка со акции и ќе има цена на дел од затворањето на „Кредит Суис“ во петокот, кога банката беше проценета на околу 7,4 милијарди франци (8 милијарди долари).
Швајцарските власти размислуваа и за целосна или делумна национализација на „Кредит Суис“ како единствена друга остварлива опција покрај преземањето од УБС.
Од УБС побарале Владата да преземе одредени правни трошоци и потенцијални идни загуби при секое преземање, при што едно лице со познавање на дискусиите изјави дека бројката е околу 6 милијарди долари.
За вечерва е најавена прес-конференција на швајцарската Влада во Берн.
„Кредит Суис“ беше непрофитабилна во текот на последната деценија и акумулира милијарди во правни загуби.
Банката имаше 1,2 милијарди швајцарски франци во правни провизии на крајот од 2022 година и откри дека веројатно забележала дополнителни загуби, додавајќи уште 1,2 милијарди франци на тој вкупен износ, со неколку нерешени тужби и регулаторни истраги, според „Блумберг интелиџенс“.
Спојот на двата швајцарски банкарски гиганти, чии седишта се едно спроти друго на централниот плоштад Парадеплац во Цирих е историски настан за земјата и глобалните финансии.
.webp){kind=icon}
