Нилкант Мишра, еден од главните стратези на „Кредит Суис“ (Credit Suisse) за азиско-пацифичкиот регион, ја напушти компанијата за да ѝ се приклучи на „Аксис“ (Axis Bank Ltd.) со седиште во Мумбај, изјавија за „Блумберг“ извори запознаени со ова прашање.
Мишра, кој беше на клучни позиции во швајцарската банка повеќе од две децении, ќе стане дел од одделот за истражување на банката „Аксис“, изјавија изворите, кои побарале да останат анонимни. Мишра е дел од Економскиот советодавен комитет на индискиот премиер Нарендра Моди и раководител за истражување во регионалната единица на „Кредит Суис“, според веб-страницата на банката.
Трансферот е дел од планот на извршниот директор на „Аксис“, Амитаб Чодри, за подобрување на деловните сегменти на банката, вклучувајќи го и одделот за управување со средства и инвестициско банкарство. Вредноста на акциите на оваа банка го достигна врвот на почетокот на годинава. На почетокот на овој месец, пак, „Аксис“ го заокружи купувањето на одделот за комерцијално банкарство на индиската подружница на „Ситигруп“ (Citigroup Inc.).
Прочитај повеќе
Претседателот на „Кредит Суис“ се откажа од бонус од 1,6 милион долари
Претседателот на „Кредит суис“, Аксел Леман, се откажува од исплата на бонус од 1,5 милион швајцарски франци (1,6 милион долари).
14.03.2023
Откриени пропусти во финансиските извештаи на „Кредит Суис“
Групацијата „Кредит суис“ објави дека открила „материјални слабости“ во постапките за финансиски извештаи за 2022 и 2021 година.
14.03.2023
„Кредит Суис“ загуби еден од најголемите поддржувачи
Инвестициската компанија „Харис асошиејтс“ од Чикаго го продаде целиот удел во банката „Кредит Суис“.
06.03.2023
Катар стана вториот најголем акционер во „Кредит Суис“
„Катар инвесмент ауторити“ го зголеми својот удел во швајцарската компанија од 5,6 на 6,87 проценти.
24.01.2023
Портпаролот на „Аксис“ одби да коментира, а портпаролите на „Кредит Суис“ не одговорија на пораките и телефонските повици за да го потврдат заминувањето на Мишра.
Втората по големина банка во Швајцарија изминатиов период ја следат скандали, грешки, смени на клучни лидерски позиции и проблеми од правен карактер, а неколкумина вработени со важни функции ја напуштија компанијата во претходните месеци. Ашиш Гупта се пресели од „Кредит Суис“ во „Аксис мјучуал фонд“ (Axis Mutual Fund) претходно месецов, преминувајќи од позицијата шеф за истражување на индискиот пазар на позицијата главен директор за инвестиции.
.webp){kind=icon}