„Катар инвесмент ауторити“ (Qatar Investment Authority - QIA), државна компанија задолжена за инвестиции во име на Катар, го зголеми својот удел во швајцарската компанија „Кредит Суис“ (Credit Suisse AG) од 5,6 на 6,87 проценти, се наведува во финансиски извештај.
По трансакцијата, Катар стана вториот најголем акционер на швајцарската банка, веднаш зад Саудиската национална банка. За потсетување, „Кредит Суис“ издаде нови акции во декември како дел од својата цел да собере дополнителен капитал во износ од четири милијарди швајцарски франци.
Компанијата „Харис асошиејтс“ (Harris Associates), некогаш најголемиот акционер со учество од околу 10 отсто, моментално поседува околу три отсто од капиталот на банката.
Прочитај повеќе
Кредит Суис пловеше по немирно море, но собра 4,3 милијарди долари
„Кредит Суис“ го заврши зголемувањето на капиталот од 4 милијарди франци (4,3 милијарди долари).
09.12.2022
Кредит Суис бележи раст откако интерес покажа саудискиот принц
Акциите на „Кредит суис“ пораснаа поради изгледите дека саудискиот престолонаследник ќе преземе удел во инвестициската банка.
05.12.2022
Credit Suisse собира 4 милијарди долари за да го финансира својот ремонт
Извршниот директор Улрих Кернер најавува дека Credit Suisse повторно ќе биде профитабилна од 2024 година.
27.10.2022
Саудиската национална банка (чија третина од капиталот му припаѓа на Инвестицискиот фонд на Саудиска Арабија) беше еден од инвеститорите што купија дополнителни акции по цена договорена пред официјалното издавање, па сега поседува удел од близу 10 проценти, што ја прави најголем акционер во швајцарската банка.
Bloomberg
„Кредит Суис“ долго време се потпира на инвеститори од Блискиот Исток и тие често се најголеми акционери. Исто така, инвеститорите од Блискиот Исток често инвестираа во проблематични периоди за банката. Така, QIA учествуваше во купувањето конвертибилни обврзници на банката (емисија во вредност од околу две милијарди долари) во април 2021 година. Тоа помогна билансот на состојба на компанијата да закрепне откако загуби 5,5 милијарди долари по колапсот на хеџ-фондот Archegos Capital Management.
Претставниците на „Кредит Суис“ одбија да ја коментираат веста, која прв ја објави „Фајненшл тајмс“. .
„Кредит Суис“ тековно е во процес на стратегиски промени, кои вклучуваат планови за одвојување на одделите за пазарен капитал и советување во посебни компании што би биле под брендот „Кредит Суис фрст Бостон“ (Credit Suisse First Boston). Преостанатите оддели поврзани со трговијата ќе бидат вградени во одделот за управување со средства.
.webp){kind=icon}
