Претседателот на „Кредит суис“ (Credit Suisse Group), Аксел Леман, се откажува од исплата на бонус од 1,5 милион швајцарски франци (1,6 милион долари) за неговиот прв целогодишен работен ангажман, бидејќи банката го пријави својот најлош годишен резултат од финансиската криза во 2008 година.
Леман, кој ја презеде улогата во јануари 2022 година, нема да го добие стандардниот надоместок што вообичаено се исплаќа над платите на членовите на одборот, според извештајот за наградување на банката објавен во вторникот.
На Леман му е доделена компензација од 3 милиони франци за периодот од април 2022 до април 2023 година, а на годишното собрание на акционери планира да предложи помала вкупна плата од 3,8 милиони франци за следниот период на исплата. Банката планира и да го зголеми делот од надоместокот на претседателот што се плаќа во акции, од 33 на 50 отсто.
Прочитај повеќе
Откриени пропусти во финансиските извештаи на „Кредит Суис“
Групацијата „Кредит суис“ објави дека открила „материјални слабости“ во постапките за финансиски извештаи за 2022 и 2021 година.
14.03.2023
„Кредит Суис“ загуби еден од најголемите поддржувачи
Инвестициската компанија „Харис асошиејтс“ од Чикаго го продаде целиот удел во банката „Кредит Суис“.
06.03.2023
„Кредит суис“ го одложи објавувањето на годишниот извештај
Американскиот регулатор во последен момент отвори одредени технички прашања за банката.
09.03.2023
Со откажувањето од својот надомест, Леман им се придружи на членовите на извршниот одбор што не добија бонус за изминатата година, во која банката претрпе рекорден одлив на клиенти и пад на цената на акциите поради загриженоста за плановите за реструктурирање. Банката го намали својот фонд за 2022 година за сите вработени за околу половина, издвојувајќи само милијарда франци, што е голем пад од две милијарди франци претходната година.
Претставниците на Комисијата за хартии од вредност (SEC) ги испитуваа ревизиите што „Кредит суис“ ги направи на своите извештаи за готовинскиот тек за финансиските години за 2019 и 2020 година, како и поврзаните контроли, соопшти банката минатата недела. Од „Кредит суис“ не образложија директно дали загриженоста на SEC e надмината, но посочија дека се идентификувани „материјални слабости“ во нивната внатрешна контрола врз финансиското известување.
По поплавата од заминувања, „Кредит суис“ се обидува да ги мотивира директорите без да ги налути акционерите и регулаторите. Банката откри дека годинава ќе оствари уште една значајна загуба и дека е среде компликувано реструктурирање, кое вклучува одвојување од нејзината инвестициска банка и продажба на несуштинските бизниси. Трошоците ги намалува и преку кратење на 9.000 работни места.
.webp){kind=icon}