Кревкото закрепнување на „Кредит Суис“ (Credit Suisse Group AG) ги погоди пошироките пазарни грижи на финансиските фирми, оставајќи ги лидерите на банката во тешка битка, при што треба да ги убедат инвеститорите дека можат да направат голем пресврт.
Акциите на швајцарската банка паднаа на најниско ниво досега, а нејзините кредитни распони се зголемија, бидејќи главниот акционер на компанијата ја отфрли можноста за зголемување на својот удел поради регулаторните ограничувања. Тоа придонесе сите европски банки да се повлечат надолу, бидејќи инвеститорите покажуваат брзи намери за избегнување ризик по превирањата од изминатата недела.
„Кредит Суис“ е на почетокот од сложено преобликување што треба да го финализира раздвојувањето на одделот за инвестициско банкарство, а фокусот да го насочи на нејзиниот клучен бизнис за управување со богатство. Второто стратегиско пивотирање на банката во исто толку години досега не успеа да ги придобие инвеститорите или да го запре одливот на клиентите, а постои ризик чекорите дополнително да се искомпликуваат поради бранувањата на финансиските пазари по колапсот на банката „Силикон валеј“ (СВБ).
Прочитај повеќе
Ветеран на „Кредит Суис“ ја напушта компанијата
Нилкант Мишра, еден од главните стратези на „Кредит Суис“ за азиско-пацифичкиот регион, ја напушти компанијата.
15.03.2023
Претседателот на „Кредит Суис“ се откажа од бонус од 1,6 милион долари
Претседателот на „Кредит суис“, Аксел Леман, се откажува од исплата на бонус од 1,5 милион швајцарски франци (1,6 милион долари).
14.03.2023
Откриени пропусти во финансиските извештаи на „Кредит Суис“
Групацијата „Кредит суис“ објави дека открила „материјални слабости“ во постапките за финансиски извештаи за 2022 и 2021 година.
14.03.2023
„Кредит Суис“ загуби еден од најголемите поддржувачи
Инвестициската компанија „Харис асошиејтс“ од Чикаго го продаде целиот удел во банката „Кредит Суис“.
06.03.2023
Клиентите повлекле 120 милијарди долари од Кредит суис
Компанијата ја забележа својата петта последователна квартална нето-загуба.
09.02.2023
Катар стана вториот најголем акционер во „Кредит Суис“
„Катар инвесмент ауторити“ го зголеми својот удел во швајцарската компанија од 5,6 на 6,87 проценти.
24.01.2023
Главниот извршен директор Улрих Кернер во вторникот побара трпение и порача дека финансиската состојба на банката е добра. Претседавачот Аксел Леман на конференција во средата рече дека владина помош „не е тема што се разгледува“ и дека напорите на компанијата да ја врати профитабилноста не се споредливи со сериозните проблеми со ликвидноста што ги погодуваат помалите банки во САД.
Но, на истата конференција, претседателот на Саудиската национална банка (Saudi National Bank), која стана најголем акционер на „Кредит Суис“ кон крајот на минатата година, рече дека има многу причини поради кои компанијата нема да го зголеми својот удел во банката над сегашното ниво од нешто под 10 отсто.
„Одговорот е апсолутно не, поради многу причини надвор од најочигледната, која е регулаторна и законска“, рече Амар ал Кудаири во интервју за телевизијата „Блумберг“ во средата. Тоа беше одговор на прашањето дали банката е подобна за дополнителни инјекции доколку има нов повик за дополнителна ликвидност.
Иако тоа е во согласност со претходниот став на саудиската фирма, одговорот придонесе акциите на „Кредит Суис“ да паднат дури за 29 отсто до ново рекордно ниско ниво во Цирих, покажувајќи ја кревкоста на банкарските акции оваа недела.
Bloomberg
Пазарната вредност на фирмата веќе падна оваа недела на ниво блиску до она што беше пред зголемувањето на капиталот.
„Никој не е задоволен од развојот на цената на акциите, но ние управуваме со она што можеме да го управуваме и ова е извршување на нашиот план“, рече Кернер во интервју за телевизијата „Блумберг“ во вторникот. „Рековме дека станува збор за тригодишна трансформација и не можете да дојдете по два месеца прашувајќи 'зошто не е сè направено'?“
Кернер во вторникот укажа на коефициентот на покриеност на ликвидноста на фирмата, што покажува дека банката може да се справи со тешки одливи за време на стрес во период подолг од еден месец. Тој рече дека фирмата забележала приливи во понеделникот во услови на превирања на пазарот и дека предничи во однос на роковите од својот план за реконструкција.
Втората најголема швајцарска банка, кој влече корени уште од 1856 година, во последните неколку години беше погодена од низа превирања, скандали, промени во раководството и правни проблеми. Загубата од 7,3 милијарди франци на компанијата минатата година го збриша профитот од претходната деценија.
.webp){kind=icon}
