.webp){kind=icon}
Најголемата швајцарска банка УБС (UBS Group AG) понудила купување на помалиот ривал „Кредит Суис“ (Credit Suisse Group AG) за сума до милијарда долари, во зделка со акции, за да го преземе заемодавецот кој западна во низа проблеми, според угледниот весник „Фајненшл тајмс“ (Financial Times).
Швајцарските власти планираат да ги променат законите во земјата за да го заобиколат гласањето на акционерите за трансакцијата бидејќи брзаат да го финализираат договорот пред понеделник, објави весникот во неделата, цитирајќи четири извори добро упатени во ситуацијата.
Понудата била соопштена во неделата наутро со цена од 0,25 франци по акција што треба да се плати на УБС, се вели во извештајот. Од УБС, исто така, инсистирале на промена што го поништува договорот ако нејзиниот кредитен стандарден распон скокне за 100 базични поени или повеќе, велат упатените. „Кредит Суис“ постигна до 1,86 франци на затворањето во петокот.
Прочитај повеќе
УБС размислува да ја преземе Кредит Суис, но бара владини гаранции
УБС бара од швајцарската влада заштитен механизам доколку се одлучи да ја купи „Кредит Суис“.
18.03.2023
„Кредит Суис“ доби сламка за спас, но ќе ги врати ли клиентите?
Спасувачкиот пакет од 54 милијарди долари што „Кредит Суис“ го доби во четвртокот ѝ дава шанса да го обнови својот бизнис.
17.03.2023
Поради кризата, „Кредит Суис“ ќе земе 54 милијарди долари од централната банка
„Кредит Суис“ ќе добие заем од 50 милијарди швајцарски франци (54 милијарди долари) од централната банка на Швајцарија.
16.03.2023
Акциите на „Кредит Суис“ потонаа, главниот акционер рече „не“ за повеќе инвестиции
Акциите на швајцарската банка паднаа на најниско ниво досега, а нејзините кредитни распони се зголемија.
15.03.2023
Ветеран на „Кредит Суис“ ја напушта компанијата
Нилкант Мишра, еден од главните стратези на „Кредит Суис“ за азиско-пацифичкиот регион, ја напушти компанијата.
15.03.2023
Откриени пропусти во финансиските извештаи на „Кредит Суис“
Групацијата „Кредит суис“ објави дека открила „материјални слабости“ во постапките за финансиски извештаи за 2022 и 2021 година.
14.03.2023
„Кредит Суис“ загуби еден од најголемите поддржувачи
Инвестициската компанија „Харис асошиејтс“ од Чикаго го продаде целиот удел во банката „Кредит Суис“.
06.03.2023
Преговорите се забрзале во саботата, при што сите страни се залагаат за решение што може да се изврши брзо, само по една недела откао клиентите на „Кредит Суис“ почнаа да ги повлекуваат парите, а договорните страни се повлекуваат од некои зделки со замодавецот.
Двете банки имале ограничен контакт, со услови под големо влијание на Швајцарската национална банка и регулаторот Финма (Finma), објави „Фајненшл тајмс“. Ситуацијата се одвива многу брзо и нема гаранција дека ќе се постигне договор или дека условите ќе останат исти, објави весникот.
Depositphotos
Владата подготвува итни мерки за да овозможи преземањето да продолжи со забрзано темпо и планира да воведе закони што ќе го заобиколат вообичаениот шестнеделен период на консултации потребен за акционерите на УБС, објави весникот.
Меѓутоа, според најновите информации кои ги пренесе „Блумберг“, „Кредит Суис“, која го заврши петокот со пазарна вредност од околу 7,4 милијарди франци (8 милијарди долари), верува дека понудата е премногу ниска и дека ќе им наштети на акционерите и вработените, посочиле извори запознаени со развојот на настаните.
