Комерцијалните недвижности на германскиот пазар паднаа на најниско ниво од 2017 година поради зголемените каматни стапки.
Во првата половина од 2023 година бројката на склучени договори се намалила за 50 проценти споредено со претходните шест месеци. Склучените договори изнесуваат 14,9 милијарди евра, според податоците обезбедени од фирмата за недвижности ЈЛЛ (JLL). Обемот на склучени договори падна за две третини под петгодишниот просек.
Застојот на пазарот на комерцијалните недвижности во Германија се отсликува и низ други европски земји, како Шведска, Ирска и Велика Британија. И додека купувачите и продавачите се обидуваат да се договорат околу цените, пазарот на комерцијални недвижности е во застој.
Bloomberg Mercury
Зголемените каматни стапки ги зголемија трошоците за позајмување, што предизвика потенцијалните инвеститори на имот да бараат повисоки приноси. Тоа предизвика пониски понудени цени за комерцијалните недвижности, додека сопствениците се спротивставуваат со давање големи попусти на книговодствената вредност по една деценија добивка.
Bloomberg Mercury
Според податоците на ЈЛЛ (JLL), постојат знаци дека темпото на намалување на пазарот забавува. Целосното запирање на падот на пазарот на комерцијалните недвижности ќе биде првиот чекор на евентуално враќање.
Очекувањата за тоа како ќе се движат каматните стапки ќе помогнат пазарот повторно да заздрави, така што купувачите и продавачите ќе најдат заеднички јазик околу цените. Пазарот на комерцијалните недвижности очекува Европската централна банка да ѝ стави крај на историската серија на зголемување на каматните стапки годинава.
.webp){kind=icon}
