.webp){kind=icon}
Инфлацијата во Македонија ќе почне да се намалува во третиот, особено во четвртиот квартал од годината, вели во изјава за Bloomberg Adria TV, универзитетскиот професор и член на Советот на НБРМ, Борче Треновски. Според него, во наредниот период Владата треба да придонесе со свои мерки за зауздување на растот на цените.
Растот на цените на храната забави, но стапката на инфлација најмногу ќе зависи од цената на енергијата во наредниот период. Треновски не сака да прогнозира со колкава инфлација ќе заврши годината токму заради цената на енергенсите од кои земјава е целосно увозно зависна.
Храната и енергијата чинат 65 отсто од потрошувачката кошничка во земјава, за разлика од ЕУ каде процентот изнесува 15 отсто.
