Инфлацијата во Велика Британија во јуни достигна нов рекорд за последните 40 години, зголемувајќи ги трошоците на живот и притисокот врз Банката на Англија да преземе поагресивни мерки во однос на каматните стапки следниот месец.
Потрошувачките цени пораснале за 9,4 отсто споредено со претходната година, и се највисоки по февруари 1982 година, соопшти државната статистика денеска. Во мај инфлацијата изнсуваше 9,1 отсто, а забрзувањето во јуни се должи на растот на цената на горивата. Тие минатиот месец поскапеле за 9,3 отсто.
Цените сега растат многу побрзо од платите. Маките на домаќинствата ќе се влошат, се прогнозира дека инфлацијата во октомври ќе стигне до 11 отсто кога ќе се зголемат цените на другите енергенси. Вчера синдикатите се заканија со нови штрајкови барајќи поголемо покачување на платите од тоа што го предлага владата.
Во Банката на Англија, во меѓувреме, се загрижени дека инфлацијата би можела да се вкорени заради растот на платите и цените на суровините.
Гувернероот на Банката на Англија синоќа најави ново зголемување на каматната стапка за половина поен во август како мерка за враќање на инфалцијата на два отсто. Ако дојде до ова зголемување од половина поен, тоа би било најголемото откако Банката на Англија стана независна во 1997 година.
Од почетокот на годината, референтната камата е зголемена пет пати и изнесува 1,25 отсто, пазарот на пари прогнозира дека ќе оди до 3 отсто до крајот на годината.
.webp){kind=icon}
Во моментов нема коментари за веста. Биди прв да коментира...