Бостон Селтикс продаден за рекордни 6,1 милијарди долари

Конзорциумот кој го вклучува соосновачот на „СТГ Партнерс“ (STG Partners), Бил Чишолм, постигна договор за купување на НБА тимот Бостон Селтикс за 6,1 милијарди долари. Оваа аквизиција е најголемиот договор во историјата на НБА, надминувајќи ја проценетата вредност од четири милијарди долари постигната кога Мат Ишбија постигна договор за купување на Феникс Санс кон крајот на 2022 година.

Компанијата „Сикст Стрит“ (Sixth Street) има инвестирано повеќе од милијарда долари во оваа зделка со Селтикс, тврдат добро упатени извори. „Блумберг њуз“ (Bloomberg News) претходно во четвртокот објави дека конзорциумот на Чишолм бил главен фаворит.

„Разбирам колку Селтикси значат за градот Бостон - улогата што ја игра овој тим во заедницата е различна од кој било друг град во земјата“, рече Чишолм.

Роден и израснат во Масачусетс, Чишолм е управен партнер и главен инвестициски директор на СТГ, компанија со приватен капитал што инвестира во софтвер и други технолошки компании. Тој е и голем фан на Селтикс. Во конзорциумот на Чишолм се вклучени и Брус А.Бил Џуниор, претседател на на компанијата „Рилејтед Кос“, како и Роб Хејл, постоечки инвеститор во Селтикс.

„Бостон Баскетбол Партнерс“ (Boston Basketball Partners), актуелните сопственици на Селтикс, минатата година одлучија да ја продадат оваа позната франшиза и актуелните шампиони. Сегашната сопственичка група, предводена од Вајк Грусбек, вклучувајќи го и Стивен Паглиука од „Бејн Капитал“, го купи тимот во 2002 година за 360 милиони долари и профитираше од растот на вредноста на американските спортски франшизи во последните години.

Овој договор будно го следат инвеститорите заинтересирани за купување нови НБА тимови. Селтикс се една од најиконските и најуспешните франшизи во лигата, но тие не поседуваат своја арена, што значи дека не генерираат приходи од настани како концерти.

 

Во моментов нема коментари за веста. Биди прв да коментира...

Остави коментар