Главниот извршен директор на њујоршката банка „ЏП Морган“ (JPMorgan Chase & Co.), Џејми Дајмон, изјави дека гледа смисла во поседување злато, иако одби да каже дали смета дека благородниот метал е преценет по неговиот историски раст.
„Не сум купувач на злато, чини околу 4 отсто годишно да го поседуваш“, рече Дајмон во вторникот на конференцијата „Најмоќните жени според Форчн“ (Fortune’s Most Powerful Women) во Вашингтон.
„Но, во вакви услови, лесно може да достигне цена од 5.000 или 10.000 долари. Ова е еден од ретките периоди во мојот живот кога е полуразумно да имаш дел од портфолиото во злато.“
Прочитај повеќе
Нов рекорд на златото по последната ескалација на трговските тензии меѓу САД и Кина
Златото денеска се искачи дури за 1,2 отсто, на нов врв од 4.193,65 долари за унца. Среброто напредуваше по вчерашниот нестабилен ден.
15.10.2025
Среброто на историски максимум поради берзанскиот хаос во Лондон
Цената на среброто достигна историски рекорд од речиси 53 долари за унца, поттикната од недостигот од благородниот метал во Лондон и зголемената побарувачка за сигурни вложувања.
14.10.2025
Кога златото веќе не блеска: Три идеи како да го заштитите портфолиото
Златото со децении беше прва асоцијација за сигурност, но пазарите се менуваат, а со нив и природата на заштитата.
13.10.2025
Грифин од „Ситадел“: Трката по злато како посигурно средство е загрижувачка
Продолженото затворање на федералната влада и можноста за намалување на каматните стапки помогнаа скапоцениот метал да достигне рекордно високо ниво.
07.10.2025
Цената на златото, која пред две години беше под 2.000 долари, досега го надмина растот на акциите во овој век – одраз на побарувачката на инвеститорите за безбедни вложувања во услови на инфлација и геополитички тензии. Во вторникот металот продолжи со растот, зголемувајќи се за 0,8 отсто, на 4.142,94 долари за унца, со што добивката од почетокот на годината достигна 58 отсто.
„Пазарните цени, воопшто, се доста високи“, додаде Дајмон, нагласувајќи дека тоа важи „речиси за сè во овој момент“.
Минатата недела милијардерот и основач на „Ситадел“ (Citadel), Кен Грифин, изјави дека инвеститорите почнуваат да го сметаат златото за побезбедно од доларот – тренд што, како што рече, е „навистина загрижувачки“.
.webp){kind=icon}
