.webp){kind=icon}
„Мајкрософт“ (Microsoft Corp.) е последната во низата компании која премина од утврдените надоместоци за платено слободно време на неограничен одмор за работниците, приклучувајќи се на растечката листа на работодавци како „Адоб“ (Adobe Inc.), „Нетфликс“ (Netflix Inc.) и „Голдман Сакс“ (Goldman Sachs Group Inc). Додека само шест отсто од работодавците понудија неограничено отсуство, според анкетата за придобивките на вработените од 2022 година од страна на Друштвото за управување со човечки ресурси, вклучувањето на повеќе компании од висок профил наведуваат многумина да се запрашаат: дали поволноста е толку добра како што звучи и кој има најголема корист од неа?
Позитивни страни:
- Регрутација на таленти: За компаниите кои бараат нови начини да се истакнат на сè уште конкурентниот пазар на труд, нудењето неограничено слободно време е една од опциите што се чини дека функционира. Студијата на „Гласдор“ (Glassdoor) во јули покажа дека прегледите на работодавци кои споменуваат неограничени политики се зголемени за 75 отсто од нивоата пред пандемијата - а коментарите биле убедливо позитивни.
- Борба против исцрпеноста: Исцрпеноста на работната сила привлече поголемо внимание, особено поради пандемијата. Одвојувањето на соодветно време за одмор е од суштинско значење за здравјето на вработените и долгорочната продуктивност, велат експертите. Ваквата политика може да обезбеди доверба и да им покаже на работниците дека се ценети, што пак може да го подобри моралот и ангажманот.
- Заштеди: Компаниите всушност можат да заштедат пари преку оваа мерка, бидејќи не мора да го исплатат неискористениот одмор кога вработен ќе се замине, како што тоа го прават во рамки на традиционалните политики. Политиката значи и една административна задача помалку.
Негативни страни:
- Недоволна употреба: Истражувањата сугерираат дека вработените често завршуваат со помалку одмор под неограничените политики отколку при примена на традиционалните, главно поради страв од пречекорување - особено во високо конкурентни индустрии како банкарството. Една од поплаките е дека мерката ги елиминира насоките за тоа колкав одмор вработените треба навистина да земат.
- Потенцијална злоупотреба: Иако повеќето вработени ќе го користат слободното време одговорно, неограничените политики навистина ја отвораат вратата за можни злоупотреби. Ако отсуството од работа стане проблем, вработениот може да ги оптоварува своите соработници и да го попречи работниот тек.
- Преклопување со термини: Без ограничувања, одредени периоди од годината како летните и зимските одмори може да донесат многу отсуства - толку многу што ќе ги остават оние што сè уште работат без доволно ресурси.
