text size
„Ново Нордиск“ (Novo Nordisk A/S) годинава вработил околу 2.000 луѓе, менувајќи ја структурата на работната сила по отпуштањето на околу 10 отсто од кадарот во 2025 година.
Бројката се однесува на успешно прифатени понуди за работа, а околу 1.400 од тие работници веќе започнале со работа, изјави портпаролка на компанијата. Од новите вработувања, 398 се во матичната Данска.
„Ново Нордиск“ ја заврши минатата година со околу 7.800 помалку вработени, откако главниот извршен директор Мајк Даустдар ги спроведе најголемите отпуштања во историјата на компанијата, со цел организацијата да стане побрза и поагресивна. Производителот на лекови ја загуби водечката позиција на растечкиот пазар за лекови против дебелина и сега смета на нова таблета за да остане во чекор со американскиот ривал „Ели Лили“ (Eli Lilly & Co.).
Прочитај повеќе
Копии од Индија го нагризуваат растот на продажбата на „Ели Лили“
Ценовната војна за лекови за слабеење веќе почна во Индија, каде што генеричките копии на „семаглутид“ ја зголемуваат побарувачката и го менуваат пазарот.
09.04.2026
ФДА го предупреди „Ново“ поради непријавени потенцијални нус ефекти и смрт од „Оземпик“.
Американската ФДА ја предупреди „Ново Нордиск“ дека не пријавила дел од сериозните здравствени настани, меѓу кои и смртни исходи кај пациенти кои го користеле лекот за дијабетес „Оземпик“.
10.03.2026
Како „Ново Нордиск“ ја изгуби водечката позиција на пазарот за слабеење?
Акциите на „Ново Нордиск“ изгубија поголем дел од добивките, додека конкуренцијата од поевтини копии и од „Ели Лили“ ја менува рамнотежата на пазарот.
24.02.2026
Отпуштањата во „Ново Нордиск“ ги засилуваат економските стравувања во Данска
Отпуштањата во фармацевтскиот сектор во Данска не останаа изолиран случај, туку се прелеваат низ економијата, погодувајќи ги доставувачите, цели региони и довербата на потрошувачите.
19.02.2026
„Ново Нордиск“ - од историски раст до загуби од 460 милијарди долари
По еуфоријата за „оземпик“, најуспешната данска компанија доживува суров пресврт. „Ново Нордиск“ ја губи пазарната битка поради конкуренцијата, цената и регулаторните ризици.
06.02.2026
„Ели Лили“ очекува силен раст на продажбата, ривалот „Ново Нордиск“ разочара
„Ели Лили“ ја зацврстува лидерската позиција со „зепбаунд“ и „маунџаро“, очекувајќи силен раст и нови терапии во огромниот пазар за слабеење.
04.02.2026
Данската компанија минатата година имала стапка на флуктуација на кадарот од околу 18 отсто, според годишниот извештај.
Годинашните вработувања не претставуваат нето-зголемување на бројот на работници. Компанијата соопшти дека е на пат доброволната стапка на заминување годинава да изнесува околу 5 отсто, врз основа на 12-месечен просек. „Ново Нордиск“ имал вкупно 69.505 вработени на крајот на 2025 година.
По отпуштањата, некои од раководителите во компанијата сè уште ги реорганизираат одделите, изјави Даустдар во интервју неделава. „Се отвораат нови позиции што вчера не постоеја, а има и отпуштања затоа што одредени позиции веќе не постојат“, рече извршниот директор.
Реорганизацијата доведе и до неколку звучни заминувања, меѓу кои и она на Лоте Бјере Кнудсен, истражувачката заслужна за почетниот развој на лековите ГЛП-1 што го променија третманот на дијабетесот и дебелината. Кнудсен, која последно раководеше со тимот ИДЕА (Innovation and Data Experimentation Advancement), минатата недела на Линкдин го објави своето заминување.
Врз основа на реструктурирањето, таа и нејзините претпоставени заклучиле дека „е добро време Лоте да направи нешто друго“, изјави Даустдар, додавајќи дека одлуката била заедничка. Кнудсен не одговорила на барањата за интервју.
Од 335 работни места објавени во четвртокот на интернет-страницата на „Ново Нордиск“, 97 биле во Кина, 69 во САД и 46 во Данска. Преостанатите биле распределени на други пазари.
Реорганизацијата на „Ново Нордиск“ доведе отпуштањата во Данска минатата година да достигнат највисоко ниво од пандемијата на ковид-19. Тоа дополнително придонесе кон бранот намалувања на работните места кај најголемите компании во нордиската земја, продлабочувајќи ги стравувањата од подолга корекција по години раст.
.webp){kind=icon}
